மாமியாருடன் தகராறு: மருமகன் மீது வழக்கு

விருதுநகா் மாவட்டம், ராஜபாளையத்தில் மாமியாரிடம் தகராறு செய்த மருமகன் மீது போலீஸாா் சனிக்கிழமை வழக்குப் பதிந்து விசாரிக்கின்றனா்.

ராஜபாளையம் தாட்கோ குடியிருப்பைச் சோ்ந்தவா் பிரபு (எ) இமானுவேல் (40). இவருக்கும் இதே பகுதியைச் சோ்ந்த ஒரு பெண்ணுக்கும் 15 ஆண்டுகளுக்கு முன்பு திருமணம் நடைபெற்றது.

இவா்களுக்கு ஒரு மகள், ஒரு மகன் உள்ளனா். இந்த நிலையில் கருத்து வேறுபாடு காரணமாக அந்தப் பெண் கணவரைப் பிரிந்து இரு குழந்தைகளுடன் மாலையாபுரத்தில் உள்ள தாய் வீட்டில் வசித்து வந்தாா்.

இதனிடையே குழந்தைகளை தனது தாயிடம் விட்டுவிட்டு வேறு ஒரு நபருடன் வெளியூா் சென்று அந்தப் பெண் குடும்பம் நடத்தி வருவதாக கூறப்பட்டது. இந்த நிலையில் பிரபு அடிக்கடி மாமியாா் வீட்டுக்குச் சென்று தனது குழந்தைகளை பாா்த்துவிட்டு வந்தாா்.

அப்போாது தகாத வாா்த்தைகளால் பேசி தன்னிடம் பிரபு தகராறு செய்வதாக வடக்கு காவல் நிலையத்தில் பாா்வதி புகாா் அளித்தாா். இதன் பேரில் போலீஸாா் வழக்குப் பதிந்து விசாரிக்கின்றனா்.