சிவகாசியில் குண்டா் தடுப்பு சட்டத்தின் கீழ் ஒருவா் கைது

சிவகாசியில் குண்டா் தடுப்புச் சட்டத்தின் கீழ் இளைஞரை போலீஸாா் ஞாயிற்றுக்கிழமை கைது செய்தனா்.

கடந்த மாதம் 28 -ஆம் தேதி சிவகாசி சோலைகுடியிருப்புப் பகுதியைச் சோ்ந்த இன்னாசிமுத்து மகன் சந்தனமணி (50) சிவகாசி மாரியம்மன் கோயிலருகே நடந்து சென்றாா். அப்போது, அவரிடம் தகராறு செய்து, தாக்கியதாக மருதுபாண்யா் தெருவைச் சோ்ந்த முத்துக்குரு, அவரது மகன் மெய்யண்ணன் என்ற பரத் (23) உள்பட 3 பேரை சிவகாசி கிழக்குப் போலீஸாா் கைது செய்தனா்.

இவா்களில் மெய்யண்ணன் பல குற்றச் சம்வங்களில் ஈடுபட்டு வந்ததால், அவரை குடுண்டா் தடுப்புக் காவல் சட்டத்தின் கீழ் கைது செய்ய விருதுநகா் மாவட்ட காவல் கண்காணிப்பாளா் பரிந்துரை செய்தாா்.

இதையடுத்து, விருதுநகா் மாவட்ட ஆட்சியா் உத்தரவுப்படி மெய்யண்ணன் குண்டா் தடுப்பு சட்டத்தின் கீழ் கைது செய்யப்பட்டு, மதுரை மத்திய சிறையில் அடைக்கப்பட்டாா்.