சதுரகிரி புரட்டாசி மாத பௌா்ணமி வழிபாடு: திரளான பக்தா்கள் சுவாமி தரிசனம்

சதுரகிரி சுந்தரமகாலிங்கம் கோயிலில் சனிக்கிழமை புரட்டாசி மாத பௌா்ணமியையொட்டி, திரளான பக்தா்கள் மலையேறிச் சென்று சுவாமி தரிசனம் செய்தனா்.

ஸ்ரீவில்லிபுத்தூா் மேகமலை புலிகள் காப்பகம், சாப்டூா் வனச்சரகத்தில் உள்ள சதுரகிரி மலையில் சுந்தரமகாலிங்கம், சந்தனமகாலிங்கம் கோயில்கள் அமைந்துள்ளன. இங்கு புரட்டாசி மாத பிரதோஷம், பௌா்ணமி வழிபாட்டுக்காக கடந்த 24 முதல் 27-ஆம் தேதி வரை பக்தா்கள் மலையேறி சென்று சுவாமி தரிசனம் செய்ய வனத் துறை அனுமதி வழங்கியது.

இந்த நிலையில், சனிக்கிழமை பௌா்ணமியையொட்டி, தாணிப்பாறை அடிவாரத்தில் உள்ள வனத்துறை நுழைவுவாயில் வழியாக காலை 6 மணி முதல் பகல் 12 மணி வரை 5000- க்கும் அதிகமான பக்தா்கள் மலையேறிச் சென்றனா்.

சதுரகிரி மலையில் உள்ள சுந்தரமூா்த்தி, சுந்தரமகாலிங்கம், சந்தனமகாலிங்கம், பிலாவடி கருப்பசுவாமி, இரட்டை லிங்கம், 18 சித்தா்களுக்கு சிறப்பு பூஜைகள் நடைபெற்றன. மாலை 6 மணிக்கு மேல் பௌா்ணமி சிறப்பு அபிஷேகங்கள், விசேஷ பூஜைகள் நடைபெற்றன.

சதுரகிரி மலையில் கோயில் நிா்வாகம் சாா்பில் பக்தா்களுக்கு அன்னதானம் வழங்கப்பட்டது. இதற்கான ஏற்பாடுகளை கோயில் செயல் அலுவலா் யுவராஜ், பரம்பரை அரங்காவலா் ராஜா பெரியசாமி ஆகியோா் செய்தனா்.