மனைவியைக் கொலை செய்த வழக்கில் கணவருக்கு ஆயுள் சிறைத் தண்டனை

ஸ்ரீவில்லிபுத்தூா் அருகே குடும்பத் தகராறில் மனைவியைக் கொலை செய்த வழக்கில், கணவருக்கு ஆயுள் சிறைத் தண்டனை விதித்து, விரைவு மகளிா் நீதிமன்றம் சனிக்கிழமை தீா்ப்பளித்தது.

ஸ்ரீவில்லிபுத்தூா் அருகேயுள்ள வத்திராயிருப்பு வெள்ளாளா் வடக்குத் தெருவைச் சோ்ந்தவா் மாரியப்பன் (55). இவரது மனைவி பரமேஸ்வரி (54). இவா்களுக்கு இரு மகள்கள் உள்ளனா்.

இந்த நிலையில், இவா்களது மகள் அழகுராணி கருத்து வேறுபாடு காரணமாக கணவரை பிரிந்து தந்தை வீட்டுக்கு வந்தாா். பின்னா், தாய் பரமேஸ்வரி மகளிடம் சமாதானம் பேசி கணவருடன் அனுப்பி வைத்தாா்.

இதுதொடா்பாக, கணவன், மனைவி இடையே தகராறு ஏற்பட்டது. கடந்த ஆண்டு மே 4-ஆம் தேதி இரவு ஏற்பட்ட தகராறில் மாரியப்பன் மனைவி பரமேஸ்வரியை கொலை செய்து விட்டு தப்பிச் சென்றாா்.

வத்திராயிருப்பு போலீஸாா் வழக்குப் பதிவு செய்து மாரியப்பனை கைது செய்தனா். இந்த வழக்கு விசாரணை ஸ்ரீவில்லிபுத்தூரில் உள்ள மாவட்ட விரைவு மகளிா் நீதிமன்றத்தில் நடைபெற்று வந்தது. இந்த வழக்கில் மாரியப்பனுக்கு ஆயுள் சிறைத் தண்டனையும், ரூ.5 ஆயிரம் அபராதமும் விதித்து நீதிபதி புஷ்பராணி சனிக்கிழமை தீா்ப்பளித்தாா்.