சிவகாசியில் நெகிழிப் பைகளை பயன்படுத்திய கடை உரிமையாளா்களுக்கு அபராதம்

சிவகாசி மாநகராட்சிப் பகுதியில் தடை செய்யப்பட்ட நெகிழிப் பைகளை பயன்படுத்திய கடை உரிமையாளா்களுக்கு அபராதம் விதிக்கப்பட்டது.

சிவகாசி மாநகராட்சிப் பகுதியில் உள்ள கடைகளில் அதிகாரிகள் சனிக்கிழமை ஆய்வு நடத்தினா். அப்போது ஒருமுறை மட்டுமே பயன்படுத்தப்படும் நெகிழிப் பைகள் உள்னவா என அந்தக் கடைகளில் ஆய்வு செய்தனா்.

இந்த ஆய்வில் பல கடைகளில் அந்த நெகிழிப் பைகள் பயன்படுத்தப்படுவது தெரியவந்தது. இதையடுத்து, அதிகாரிகள் அந்தக் கடைகளிலிருந்த 500 கிலோ நெகிழிப் பைகளை பறிமுதல் செய்து அவற்றின் உரிமையாளா்களிடமிருந்து ரூ. 75 ஆயிரத்தை அபராதமாக வசூலித்தனா்.

இனி வருங்காலங்களில் இந்த நெகிழிப் பைகளை வைத்திருக்கும் கடையின் உரிமம் ரத்து செய்யப்படுவதுடன், ரூ.1 லட்சம் வரை அபராதம் விதிக்கப்படும் என மாநகராட்சி ஆணையா் கண்ணன் எச்சரித்தாா்.