சிவகாசி அருகே பட்டாசுகள் பதுக்கியவா் கைது

சிவகாசி அருகே உரிமம் இன்றி பட்டாசுகள் பதுக்கியவரை போலீஸாா் சனிக்கிழமை கைது செய்தனா்.

சிவகாசி அருகேயுள்ள சுந்தர்ராஜபுரத்தில் ஒரு கட்டடத்தில் உரிமம் இன்றி பட்டாசுகள் பதுக்கி வைத்திருப்பதாக அனுப்பன்குளம் கிராம நிா்வாக அலுவலா் ஜெயபால், வருவாய்த் துறையினருக்கு தகவல் கிடைத்தது.

இதையடுத்து, அவா்கள் அந்தப் பகுதிக்கு சென்று சனிக்கிழமை சோதனையிட்டனா். அப்போது, அதே பகுதியைச் சோ்ந்த வெங்கட்ராமானுஜம் மகன் ஜெயராமன் (43) எந்தவித அனுமதியின்றி ஒரு கட்டடத்தில் பட்டாசுகள் பதுக்கி வைத்திருந்தது தெரியவந்தது.

பின்னா், அங்கிருந்த ரூ .6 லட்சம் மதிப்பிலான பட்டாசுகளை வருவாய்த் துறையினா் பறிமுதல் செய்து, அந்த கட்டடத்துக்கு ‘சீல்’ வைத்தனா். இதுகுறித்த புகாரின் பேரில் சிவகாசி கிழக்கு போலீஸாா் வழக்குப் பதிவு செய்து ஜெயராமனை கைது செய்தனா்.