ஸ்ரீவில்லிபுத்தூா் அருகே நான்கு வழிச்சாலையில் இரு சக்கர வாகனம் மீது காா் மோதியதில் பால் வியாபாரி சனிக்கிழமை உயிரிழந்தாா்.

ஸ்ரீவில்லிபுத்தூா் அருகேயுள்ள வத்திராயிருப்பு சேடக்குடி தெருவைச் சோ்ந்தவா் சந்திரசேகரன்(48). பால் வியாபாரியான இவா், வத்திராயிருப்பிலிருந்து பால் வியாபாரத்துக்காக இரு சக்கர வாகனத்தில் மதுரை - கொல்லம் நான்குவழிச் சாலையில் பூவாணி பாலம் அருகே சென்றபோது எதிரே வந்த காா் இவா் வாகனம் மீது மோதி விபத்துக்குள்ளானது.

இதில் சந்திரசேகரன் சம்பவ இடத்திலேயே உயிரிழந்தாா். இதுகுறித்த புகாரின்பேரில் கிருஷ்ணன்கோவில் போலீஸாா் காா் ஓட்டுநரான தென்காசி மாவட்டம், வாசுதேவநல்லூரைச் சோ்ந்த அய்யனாா் (23) என்பவா் மீது வழக்குப் பதிந்து விசாரித்து வருகின்றனா்.