மல்லுக்கட்டும் ஜல்லிக்கட்டு: கவிஞர் டி.கே. ஹரிஹரன்

கருகும் பயிர்கள்
உருகும் உயிர்கள்
உடனே வேண்டும் ஜல்லிக்கட்டு

 பொய்த்தது வானம்
வெடித்துப் பிளக்கும் பூமி
வேண்டும் வீர விளையாட்டு

தற்கொலையில் விவசாயி
குற்றுயிராய்க் குடும்பம்
 காப்பாற்றவேண்டும் பண்பாடு

கைவிரிக்கும் காவிரி
மனமில்லா மானுடம்
மகிழவேண்டும் ஏறுதழுவி.

உயிர்க்கொலைகள் நிகழும்
சூதாடி மகிழும்
நிறுத்தப்போமோ கிரிக்கெட்டை

தடுக்கவேண்டிய கொலைகள்
ஏராளம் இருக்க
நீதிமன்றம் தடுக்கும் காளைவதையை

மல்லுக்கட்டாமல் நடக்கட்டும்
ஜல்லிக்கட்டு
கொண்டாடுவோம் பொங்கல்
வெறும்பானையோடு.