புதினா ரைஸ்

தேவையானவை: அரிசி - 1 கிண்ணம், ஆய்ந்து, அலசிய புதினா - ஒரு கிண்ணம், வெங்காயம் - ஒன்று, பச்சை மிளகாய் - 2, சீரகம் - 2 தேக்கரண்டி, கடுகு - கால் தேக்கரண்டி, ஸ்வீட் கார்ன், நெய், உப்பு - தேவையான அளவு.

செய்முறை:  புதினாவை ஆய்ந்து சுத்தம் செய்து மிக்ஸியில்  தண்ணீர்விட்டு அரைத்து வைத்துக் கொள்ளவும். பிறகு குக்கரில், நெய் விட்டு கடுகு, சீரகம் தாளித்து... நறுக்கிய வெங்காயம், உதிர்த்த ஸ்வீட் கார்ன், பச்சை மிளகாய் சேர்த்து வதக்கவும். பின்னர், அரைத்து வைத்துள்ள புதினாவைச் சேர்த்து, 1 பங்கு அரிசிக்கு 2 பங்கு தண்ணீர்விட்டு, கிளறி கழுவி ஊற வைத்துள்ள அரிசியை சேர்க்கவும். அத்துடன் தேவையான அளவு உப்பு சேர்த்து கிளறி குக்கரை மூடிவிடவும்.  3 விசில் வந்ததும் இறக்கி பரிமாறவும்.

••••