மெசேஜ்களை ஒருமுறை மட்டுமே பார்க்க முடியுமா? வாட்ஸ்ஆப் புதிய அப்டேட்!

வாட்ஸ்ஆப் செயலியில் ஒருமுறை மட்டுமே மெசேஜ்களைப் பார்க்க முடியும் என்ற புதிய வசதியை அறிமுகப்படுத்த அந்நிறுவனம் சோதித்து வருகிறது.

உலகளவில் 330 கோடிக்கும் (3.3 பில்லியன்) அதிகமான மக்கள் வாட்ஸ்ஆப் செயலியைப் பயன்படுத்துகின்றனர். இந்தச் செயலி 180-க்கும் மேற்பட்ட நாடுகளில் பயன்பாட்டில் உள்ளது.

காலங்கள் மாற மாற செயலியில் புதுப்புது அப்டேட்டுகள் அறிமுகப்படுத்தப்பட்டு வருகின்றன. இந்த வரிசையில், நாம் ஒருவருக்கு மெசேஜ் அனுப்பினால் அதனை அவர் ஒருமுறை மட்டுமே பார்க்க முடியும் (வியூ ஒன்ஸ்) என்ற வசதி சோதனையில் உள்ளது.

இவ்வாறு அனுப்பப்படும் செய்தியை ஸ்கிரீன்ஷாட் எடுக்கவோ அதனை நகல் (காபி) எடுக்கவோ முடியாது. இதன்மூலம் பயனர்களின் தனியுரிமைக் கொள்கை மேம்படும். ரகசியங்கள் பாதுகாக்கப்படும் என்று நம்பப்படுகிறது.

இந்த நடைமுறை, ஏற்கெனவே வாட்ஸ்ஆப் செயலியில் உள்ள ஒன்றுதான். ஆனால், அவை புகைப்படங்களுக்கும், விடியோக்களுக்கும் மட்டுமே இருந்து வரும் நிலையில் தற்போது மெசேஜ்களுக்கும் அறிமுகப்படுத்த உள்ளது.

மேலும், சோதனை முடிந்த பிறகு விரைவில் இந்த வசதி அறிமுகப்படுத்தப்படும் என்று எதிர்பார்க்கப்படுகிறது.