சரிந்து மீண்டது பங்குச்சந்தை: சென்செக்ஸ் நோ்மறையாக முடிவு!

இந்த வாரத்தின் இறுதி வா்த்தக தினமான வெள்ளிக்கிழமை பங்குச்சந்தை சரிந்து மீண்டது. இதையடுத்து, மும்பை பங்குச்சந்தைக் குறியீட்டு எண்ணான சென்செக்ஸ், தேசிய பங்குச் சந்தைக் குறியீட்டு எண்ணான நிஃப்டி ஆகிய இரண்டும் 3 நாள்களுக்குப் பிறகு நோ்மறையாக முடிந்தது.

உலகளாவிய சந்தைக் குறிப்புகள் நோ்‘மறையாக இருந்தன. இருப்பினும் உள்நாட்டுச் சந்தை சரிவுடன் தொடங்கியது. ஆனால், வங்கி, மெட்டல், நிதிநிறுவனப் பங்குகளுக்கு கிடைத்த ஆதரவால் உடனடியாக சந்தை மீட்சி பெற்றது. குறிப்பாக, 3 நாள் தொடா் சரிவுக்குப் பிறகு, விலை குறைந்த நிலையில் உள்நாட்டு நிறுவனங்கள் பங்குகளை வாங்குவதில் கவனம் செலுத்தியது மீட்சிக்கு முக்கியக் காரணம் என்று பங்கு வா்த்தகத் தரகு நிறுவனங்கள் தெரிவித்தன.

சந்தை மதிப்பு: சந்தை மூலதன மதிப்பு ரூ.90 ஆயிரம் கோடி உயா்ந்து வா்த்தக முடிவில் ரூ.458.15 லட்சம் கோடியாக இருந்தது. அந்நிய நிறுவன முதலீட்டாளா்கள் வியாழக்கிழமை ரூ.7,421.40 கோடிக்கு பங்குகளை விற்றிருந்த நிலையில், உள்நாட்டு நிறுவனங்கள் ரூ.4,979.83 கோடிக்கு பங்குகளை வாங்கியிருந்தது சந்தை புள்ளிவிவரத் தகவல்கள் மூலம் தெரிய வந்தது.

சென்செக்ஸ் முன்னேற்றம்: சென்செக்ஸ் காலையில் 257.35 புள்ளிகள் குறைந்து 80,749.26-இல் தொடங்கி 80,409.25 வரை கீழேசென்றது. பின்னா், அதிகபட்சமாக 81,391.15 வரை மேலே சென்ற சென்செக்ஸ் இறுதியில் 218.14 புள்ளிகள் (0.27 சதவீதம்) கூடுதலுடன் 81,224.75-இல் நிறைவடைந்தது. மும்பை பங்குச்சந்தையில் மொத்தம் வா்த்தகமான 4,043 பங்குகளில் 1,923 பங்குகள் ஆதாயப் பட்டியலிலும், 2,014 பங்குகள் வீழ்ச்சிப் பட்டியலிலும் இருந்தன. 106 பங்குகள் விலையில் மாற்றமின்றி நிலைபெற்றன.

19 பங்குகள் விலை உயா்வு: சென்செக்ஸ் பட்டியலில் ஆக்ஸிஸ் பேங்க், ஐசிஐசிஐ பேங்க், டாடா மோட்டாா்ஸ், டாடா ஸ்டீல், ஜேஎஸ்டபிள்யு ஸ்டீல், என்டிபிசி, எஸ்பிஐ உள்பட 19 பங்குகள் விலையுயா்ந்த பட்டியலில் இருந்தன. அதே சமயம், இன்ஃபோஸிஸ், ஏசியன் பெயிண்ட், நெஸ்லே, ஹிந்துஸ்தான் யுனி லீவா், டெக் மஹிந்திரா, டைட்டன், ஹெச்சிஎல் டெக் உள்பட 11 பங்குகள் குறைந்த பட்டியலில் இருந்தன.

நிஃப்டி 104 புள்ளிகள் முன்னேற்றம்: தேசிய பங்குச்சந்தையில் 50 முதல் தரப் பங்குகளை உள்ளடக்கிய நிஃப்டி 84.90 புள்ளிகள் குறைந்து 24,664.95-இல் தொடங்கி 24,567.24 வரை கீழே சென்றது. பின்னா், அதிகபட்சமாக 24,886.20 வரை மேலே சென்ற நிஃப்டி இறுதியில் 104.20 புள்ளிகள் (0.42 சதவீதம்) கூடுதலுடன் 24,854.05-இல் நிறைவடைந்தது. நிஃப்டி பட்டியலில் 33 பங்குகள் ஆதாயப் பட்டியலிலும், 17 பங்குகள் வீழ்ச்சிப் பட்டியலிலும் இருந்தன.