தங்கம் இன்று என்ன விலை?

சென்னையில் ஆபரணத் தங்கத்தின் விலை நேற்றைவிட இன்று சற்று உயர்ந்துள்ளது.

மத்திய நிதிநிலை அறிக்கையில் தங்கத்துக்கான சுங்க வரி குறைக்கப்பட்டதால் அதன் விலை தொடா்ந்து குறைந்து வந்தது. சென்னையில் ஜூலை 17-ஆம் தேதி ஆபரணத் தங்கத்தின் விலை சவரனுக்கு ரூ. 55,360 வரை உயா்ந்து புதிய உச்சத்தை தொட்டது.

இந்த நிலையில், இன்று காலை நிலவரப்படி சற்று உயர்ந்துள்ளது. அதன்படி சவரன் ரூ. 51,720-க்கு விற்பனை செய்யப்படுகிறது. கிராமுக்கு ரூ. 50 அதிகரித்து ரூ.6,465-க்கும், சவரனுக்கு ரூ. 400-ம் அதிகரித்துள்ளது.

நிதிநிலை அறிக்கையின் எதிரொலியாக 4 நாள்களில் ரூ.3,160 குறைந்த நிலையில், இன்று சற்று அதிகரித்துள்ளது.

ஆனால், வெள்ளி விலையில் மாற்றமின்றி கிராம் ரூ. 89-க்கும், கட்டி வெள்ளி (ஒரு கிலோ) ரூ. 89,000-க்கும் விற்பனையாகிறது. தொடர்ந்து வெள்ளி மூன்றாவது நாளாக ஒரே விலையில் நீட்டிக்கிறது.

மத்திய நிதிநிலை அறிக்கையில் சுங்கவரி குறைக்கப்பட்டுள்ளதால், மேலும் தங்கம் விலை குறைய வாய்ப்புள்ளதாக விற்பனையாளர்கள் மத்தியில் பேசப்பட்டு வருகின்றது.