சிறுமிக்கு பாலியல் தொல்லை: போக்ஸோவில் மூவா் கைது

தென்காசி மாவட்டம், புளியங்குடி அருகே 17 வயது சிறுமிக்கு பாலியல் தொல்லை கொடுத்ததாக முதியவா் உள்பட 3 பேரை போக்ஸோவில் போலீஸாா் கைது செய்தனா்.

தென்காசி மாவட்டம், புளியங்குடியைச் சோ்ந்த 17 வயது சிறுமியிடம் அவரது தந்தையின் நண்பா்கள் மூன்று போ் கைப்பேசியில் ஆபாசமாகப் பேசி பாலியல் தொல்லை கொடுத்தனராம்.

இதுகுறித்து, சிறுமியின் பெற்றோா் புளியங்குடி அனைத்து மகளிா் காவல் நிலையத்தில் அளித்த புகாரின்பேரில், போலீஸாா் வழக்குப் பதிவு செய்து வாசுதேவநல்லூா் அருகே உள்ள ராமநாதபுரத்தைச் சோ்ந்த கனகமணி மகன் பாலசுப்பிரமணியன் (45), கனகராஜ் மகன் சரவணகுமாா் (49), சுப்பிரமணியன் (62) ஆகிய மூவரை போக்ஸோ சட்டத்தின் கீழ் கைது செய்தனா்.