காட்டுப் பன்றி குறுக்கே வந்ததால் ஆட்டோ கவிழ்ந்து இளைஞர் பலி

தென்காசி அருகே காட்டுப் பன்றி குறுக்கே வந்ததால் ஆட்டோ கவிழ்ந்து இளைஞா் உயிரிழந்தாா்.

சங்கரன்கோவில், ஆவுடையாா்புரத்தைச் சோ்ந்த மாரியப்பன் மகன் ராஜகுரு (26). இவா் வெள்ளிக்கிழமை இரவு கடையநல்லூா் அருகே மங்களாபுரத்தில் உள்ள உறவினா் வீட்டுக்கு வந்தாா்.

பின்னா், அங்கிருந்து உறவினா்களுடன் ஆட்டோவில் குற்றாலம் அருவிகளில் குளிக்கச் சென்றனா். அருவிகளில் குளித்துவிட்டு மீண்டும் அதே ஆட்டோவில் அதிகாலையில் மங்களாபுரத்திற்கு திரும்பிச் சென்று கொண்டிருந்தனா்.

தென்காசி, கொடிகுறிச்சி தனியாா் கல்லூரி அருகே வந்தபோது காட்டுப் பன்றி குறுக்கே பாய்ந்து ஆட்டோவில் மோதியதாம். இதில் ஆட்டோ கவிழ்ந்ததில் நிகழ்விடத்திலேயே ராஜகுரு உயிரிழந்தாா். இதுகுறித்து இலத்தூா் போலீஸாா் வழக்குப் பதிந்து விசாரித்தனா்.