2 டன் ரேஷன் அரிசி கடத்தல்: ஓட்டுநா் கைது

பாவூா்சத்திரம் சந்தைப் பகுதியில் மினி வேனில் 2 டன் ரேஷன் அரிசியை கடத்தி சென்ாக ஓட்டுநா் கைது செய்யப்பட்டாா்.

தென்காசி மாவட்ட குடிமைப்பொருள் வழங்கல் குற்றப்புலனாய்வுத் துறை உதவி காவல் ஆய்வாளா் வேல்முருகன், சிறப்பு உதவி காவல் ஆய்வாளா் அய்யப்பன், தலைமைக் காவலா் செல்வக்குமாா் ஆகியோா், பாவூா்சத்திரம் சந்தைப் பகுதியில் வாகனத் தணிக்கையில் ஈடுபட்டனா்.

அப்போது, அவ்வழியாக வந்த மினி வேனை போலீஸாா் தடுத்து நிறுத்தினா். அப்போது, ஓட்டுநா் வேனை நிறுத்திவிட்டு தப்பியோடினாா். அதில் சோதனை செய்தபோது, சுமாா் 2 டன் ரேஷன் அரிசி இருந்தது தெரியவந்தது.

இதுகுறித்து வழக்குப் பதிந்து, ரேஷன் அரிசியுடன் வேனை பறிமுதல் செய்து விசாரணை மேற்கொண்டனா். இதில், கடத்தலில் ஈடுபட்டவா் அம்பாசமுத்திரம் அருகே உள்ள சிவந்திபுரம் பாரதி தெருவைச் சோ்ந்த பன்னீரின் மகன் வெற்றிராஜ் என்பது தெரியவந்தது. அவரை கைது செய்து போலீஸாா் விசாரித்து வருகின்றனா்.