திருவான்மியூர் சாலையில் திடீர் பள்ளம்! கார் கவிழ்ந்து விபத்து!

சென்னை திருவான்மியூர் டைடல் பார்க் அருகே, ஓஎம்ஆர் சாலையில் திடீரென ஏற்பட்ட பள்ளத்தில் கார் சிக்கி கவிழ்ந்த சம்பவம் பரபரப்பை ஏற்படுத்தியுள்ளது.

திருவான்மியூர் டைடல் பார்க் அருகே ஓஎம்ஆர் சாலையில் தற்போது மெட்ரோ ரயில் பணிகள் நடைபெற்று வருகின்றன. இந்நிலையில், அந்த வழியாக கார் ஒன்று சென்று கொண்டிருந்தபோது, சாலையில் திடீரென ஏற்பட்ட பள்ளத்தில் கார் சிக்கி கவிழ்ந்தது.

இதனால் காரில் இருந்தவர் அதிர்ச்சியடைந்தார். இந்த விபத்தில் காரில் இருந்த ஒருவருக்கு லேசான காயம் ஏற்பட்டதாகவும், அவர் உயிர் தப்பியதாகவும் தகவல் வெளியாகியுள்ளது.

மெட்ரோ ரயில் பணிகள் நடைபெறும் பகுதியில் சாலையில் திடீரென பள்ளம் ஏற்பட்டுள்ளதால், அந்த வழியாகச் செல்லும் வாகன ஓட்டிகளிடையே அச்சம் ஏற்பட்டுள்ளது. குறிப்பாக இரவு நேரங்களில் பள்ளம் இருப்பது தெரியாமல் வாகனங்கள் விபத்தில் சிக்கும் அபாயம் இருப்பதாகவும் பொதுமக்கள் தெரிவித்துள்ளனர்.

எனவே, மெட்ரோ ரயில் பணிகள் நடைபெறும் பகுதிகளில் சாலையின் பாதுகாப்பை உறுதி செய்யவும், திடீரென ஏற்பட்டுள்ள பள்ளத்தை உடனடியாக சீரமைக்கவும் சம்பந்தப்பட்ட அதிகாரிகள் நடவடிக்கை எடுக்க வேண்டும் என வாகன ஓட்டிகள் மற்றும் பொதுமக்கள் கோரிக்கை விடுத்துள்ளனர்.

சம்பவம் தொடர்பாக அதிகாரிகள் ஆய்வு செய்து, பள்ளம் ஏற்பட்டதற்கான காரணம் மற்றும் சாலையை சீரமைக்கும் நடவடிக்கைகளை மேற்கொண்டு வருகின்றனர்.