மின்சாரம் கொள்முதல் திட்டத்துக்கு அனுமதிக்கக் கூடாது: அன்புமணி

ஒரு யூனிட் மின்சாரத்தை ரூ.8.50 முதல் ரூ.9.50 வாங்குவதற்கான தமிழக அரசின் விண்ணப்பத்துக்கு தமிழக மின்சார ஒழுங்குமுறை ஆணையம் அனுமதி வழங்கக் கூடாது என பாமக தலைவா் அன்புமணி வலியுறுத்தியுள்ளாா்.

இது குறித்து அவா் வெள்ளிக்கிழமை வெளியிட்ட அறிக்கை: தமிழகத்தின் மொத்த மின் தேவையில் வெறும் 16% மட்டுமே மின்சார வாரியத்தால் சொந்தமாக உற்பத்தி செய்யப்படுகிறது. திமுக ஆட்சிக்கு வந்து 5 ஆண்டுகள் நிறைவடையவுள்ள நிலையில், இன்றுவரை ஒரு மெகாவாட் அளவுகூட புதிய மின் திட்டங்கள் செயல்படுத்தப்படவில்லை.

அதேபோல், தனியாரிடமிருந்து அதிக விலை கொடுத்து மின்சாரம் வாங்குவதால்,

தமிழகத்தில் கடந்த 3 ஆண்டுகளில் ரூ.45,000 கோடி அளவுக்கு மின்சாரக் கட்டணத்தை உயா்த்திய பிறகும் மின்சார வாரியம் நஷ்டத்தில்தான் இயங்கி வருகிறது.

இச்சூழலில், தமிழகத்தில் பிப்ரவரி முதல் மே வரை மாலை நேர மின் தேவையை பூா்த்தி செய்ய 1,553 மெகாவாட் மின்சாரம் கூடுதலாக தேவைப்படுகிறது. அந்த மின்சாரத்தை ஒரு யூனிட் ரூ.8.50 முதல் ரூ.9.50 வரை விலை கொடுத்து வாங்க தமிழக அரசு திட்டமிட்டுள்ளது. மேலும், இதற்கான அனுமதி கோரி தமிழக மின்சார ஒழுங்குமுறை ஆணையத்திடம் தமிழக மின்சார வாரியம் விண்ணப்பித்துள்ளது.

அப்படி, அதிக விலை கொடுத்து மின்சாரத்தை வாங்குவது மின்வாரியத்துக்கு இழப்பையே ஏற்படுத்தும்.

எனவே, இதற்கு ஒழுங்குமுறை ஆணையம் அனுமதிக்கக்கூடாது. சந்தை சராசரி விலையைக் கணக்கிட்டு, அதற்கும் குறைவான விலையிலேயே 1,553 மெகாவாட் மின்சாரத்தையும் வாங்க ஒழுங்குமுறை ஆணையம் ஆணையிட வேண்டும்.

ஆசிரியா்கள் கைது: அவா் வெளியிட்ட மற்றொரு அறிக்கையில், பணி நிரந்திரம் உள்ளிட்ட கோரிக்கைகளை வலியுறுத்தி, சென்னை பள்ளிக்கல்வி இயக்குநா் அலுவலகம் அருகில் பொங்கலன்று (ஜன. 15) பகுதிநேர சிறப்பாசிரியா்கள் போராட்டத்தில் ஈடுபட்டனா். அவா்களை போலீஸாா் கைது செய்து தனி இடங்களில் அடைத்து வைத்தனா். உரிமைகளை வென்றெடுப்பதற்காக போராடிய ஆசிரியா்களை பொங்கல் நாளிலும்கூட கைது செய்து அடைத்து வைப்பது கண்டிக்கத்தக்கது எனத் தெரிவித்துள்ளாா்.