செய்தி மடல்
இ-பேப்பர்
ஜன. 14 முதல் பிப். 7 வரை 2027 மகளிா் பிரீமியா் லீக்
மகளிா் பிரீமியா் லீக் கிரிக்கெட் போட்டியின் 5-ஆவது சீசன், அடுத்த ஆண்டு ஜனவரி 14 முதல் பிப்ரவரி 7-ஆம் தேதி வரை நடைபெறவுள்ளதாக பிசிசிஐ அறிவித்தது.
மகளிர் பிரீமியர் லீக் போஸ்டர்.
மகளிா் பிரீமியா் லீக் (டபிள்யூபிஎல்) கிரிக்கெட் போட்டியின் 5-ஆவது சீசன், அடுத்த ஆண்டு ஜனவரி 14 முதல் பிப்ரவரி 7-ஆம் தேதி வரை நடைபெறவுள்ளதாக, இந்திய கிரிக்கெட் கட்டுப்பாட்டு வாரியம் (பிசிசிஐ) புதன்கிழமை அறிவித்தது.
அந்தப் போட்டிக்கான வீராங்கனைகள் ஏலம், வரும் அக்டோபா் 28-ஆம் தேதி கேரள மாநிலம், கொச்சியில் நடைபெறும் எனவும் தெரிவிக்கப்பட்டுள்ளது. ஆனால், போட்டி நடைபெறும் நகரங்கள் தற்போது அறிவிக்கப்படவில்லை.
போட்டியில் இருக்கும் 5 அணிகளும், வரும் சீசனுக்காக அவை தக்கவைக்கவுள்ள வீராங்கனைகளின் பட்டியலை வெளியிடுவதற்கான கடைசி நாள், வரும் 28-ஆம் தேதி என அறிவிக்கப்பட்டுள்ளது.
இந்த ஆண்டு நடைபெற்ற போட்டியில், ஸ்மிருதி மந்தனா தலைமையிலான ராயல் சேலஞ்சா்ஸ் பெங்களூரு அணி தனது 2-ஆவது சாம்பியன் கோப்பையைக் கைப்பற்றியது. அந்தப் போட்டியின் ஆட்டங்கள் நவி மும்பை மற்றும் பரோடாவில் நடைபெற்றன.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.