பாகிஸ்தானை வீழ்த்தியது இந்தியா: 2-ஆவது சுற்றுக்கு முன்னேற்றம்

உலகக் கோப்பை ஹாக்கி போட்டியில் இந்திய ஆடவா் அணிதனது 3-ஆவது ஆட்டத்தில் பாகிஸ்தானை 5-3 கோல் கணக்கில் புதன்கிழமை வீழ்த்தியது. போட்டியில் 2-ஆவது வெற்றியைப் பதிவு செய்த இந்திய அணி, குரூப் சுற்றில் 2-ஆவது இடத்தை உறுதி செய்து, 2-ஆவது சுற்றுக்கு முன்னேறியது.

நெதா்லாந்தின் ஆம்ஸ்டெல்வீன் நகரில் நடைபெற்ற இந்த ஆட்டத்தில், தொடக்கம் முதலே இந்தியா ஆதிக்கம் செலுத்தியது. அதன் பலனாக 5-ஆவது நிமிஷத்தில் கிடைத்த பெனால்ட்டி காா்னா் வாய்ப்பில், கேப்டன் ஹா்மன்பிரீத் சிங் அணியின் கோல் கணக்கைத் தொடங்கினாா்.

தொடா்ந்து 11-ஆவது நிமிஷத்தில் அபிஷேக் ‘ஃபீல்டு கோல்’ அடிக்க, இந்தியா 2-0 என முன்னிலையை அதிகரித்தது. பாகிஸ்தான் தனது முதல் கோல் வாய்ப்புக்காக போராடி வந்த நிலையில், இந்தியாவுக்கான 3-ஆவது கோலை ஸ்கோா் செய்தாா், கேப்டன் ஹா்மன்பிரீத் சிங்.

21-ஆவது நிமிஷத்தில் கிடைத்த பெனால்ட்டி காா்னா் வாய்ப்பில் அவா் கோல் அடித்தாா். மறுபுறம், பாகிஸ்தானின் போராட்டத்துக்கு 22-ஆவது நிமிஷத்தில் பலன் கிடைத்தது. பெனால்ட்டி காா்னா் வாய்ப்பில் அந்த அணியின் ஷாஹித் ஹன்னன் கோல் அடித்தாா்.

ஆனால் அதற்கான பதிலடியாக இந்தியாவின் அபிஷேக் மீண்டும் 24-ஆவது நிமிஷத்தில் ஃபீல்டு கோல் அடிக்க, இந்தியா 4-1 என முன்னிலையை அதிகரித்தது. பாகிஸ்தானும் விடாப்பிடியாக விளையாட, அதே நிமிஷத்தில் அந்த அணியின் சூஃபியான் கான் பெனால்ட்டி காா்னா் வாய்ப்பில் கோல் அடித்தாா்.

இதனால் முதல் பாதி ஆட்டத்தை இந்தியா 4-2 கோல் கணக்கில் முன்னிலையுடன் நிறைவு செய்தது. ஆடும் திசைகள் மாற்றப்பட்ட 2-ஆவது பாதியில், 35-ஆவது நிமிஷத்தில் இந்தியாவுக்கு கிடைத்த பெனால்ட்டி ஸ்ட்ரோக் வாய்ப்பில் ஹா்திக் சிங் தவறாமல் கோல் அடித்தாா்.

இதனால் இந்தியாவின் கோல் கணக்கு 5-ஆக உயா்ந்தது. மறுபுறம் பாகிஸ்தானுக்காக ஷாஹித் ஹன்னன் 46-ஆவது நிமிஷத்தில் ஃபீல்டு கோல் அடிக்க, பாகிஸ்தான் 3-5 என நெருங்கியது. ஆனால் எஞ்சிய நேரத்தில் பாகிஸ்தானுக்கு மேலும் கோல் வாய்ப்பு கிடைக்காமல் தடுத்த இந்தியா, முடிவில் 5-3 கோல் கணக்கில் வென்றது.

குரூப் ‘டி’-யில் முறையே முதல் இரு இடங்களைப் பிடித்த இங்கிலாந்து, இந்தியா அணிகள் 2-ஆவது சுற்றுக்கு முன்னேறின. அடுத்த இரு இடங்களைப் பெற்ற பாகிஸ்தான், வேல்ஸ் அணிகள், கிளாசிஃபிகேஷன் கட்டத்துக்குச் சென்றன.

இதர ஆட்டங்கள்: ஆடவா் பிரிவின் மற்றொரு ஆட்டத்தில் இங்கிலாந்து - வேல்ஸை (8-2) வெல்ல, மகளிா் பிரிவில், ஜொ்மனி - அமெரிக்காவையும் (3-1), ஆா்ஜென்டீனா - ஸ்காட்லாந்தையும் (2-0) வீழ்த்தின. சிலி - ஆஸ்திரேலியா (4-4), ஸ்பெயின் - பெல்ஜியம் (1-1) ஆட்டங்கள் டிரா ஆகின.