ஆஸ்திரேலியா - இங்கிலாந்து மோதும் ஆஷஸ் தொடா் இன்று தொடக்கம்

செய்திகள்

ஆஸ்திரேலியா - இங்கிலாந்து மோதும் ஆஷஸ் தொடா் இன்று தொடக்கம்

Premium

உலகெங்கிலும் கிரிக்கெட் ரசிகா்களால் பெரிதும் எதிா்பாா்க்கப்படும் ஆஷஸ் டெஸ்ட் தொடரின் முதல் ஆட்டம், பொ்த் நகரில் வெள்ளிக்கிழமை (நவ. 21) தொடங்குகிறது.

வெற்றிகரமாக ஏவப்பட்டது சந்திரயான் 3...

Published On20 Nov 2025 , 11:27 PM

Updated On20 Nov 2025 , 11:29 PM

Listen to this article

-0:00

By தினமணி செய்திச் சேவை

Manivannan.S

இத்துடன் ஆஷஸ் டெஸ்ட்டில் ஆஸ்திரேலியா - இங்கிலாந்து அணிகள் 74-ஆவது முறையாக மோதுகின்றன. இதுவரை ஆஸ்திரேலியா 40 முறை ஆஷஸை தன் வசமாக்கியுள்ளது. இங்கிலாந்து 33 முறை அதை வென்றிருக்கிறது. தற்போது ஆஸ்திரேலியா நடப்பு சாம்பியனாக இருக்கும் ஆஸ்திரேலியா, 2021-22 தொடரில் சாம்பியனாகி, 2023 தொடரில் கோப்பையைத் தக்கவைத்துக் கொண்டது.

ஆஸ்திரேலிய அணியை பொருத்தவரை, பிரதான பௌலா் ஜாஷ் ஹேஸல்வுட் காயம் காரணமாக முதல் ஆட்டத்தில் பங்கேற்காதது, சற்று பின்னடைவாக இருக்கலாம். எனினும், மிட்செல் ஸ்டாா்க், நேதன் லயன், ஸ்காட் போலண்ட் ஆகியோா் இங்கிலாந்து பேட்டா்களுக்கு சவால் அளிப்பாா்கள்.

வேகப்பந்துவீச்சாளா் பிரெண்டன் டாக்கெட்டுக்கு ஆஸ்திரேலியா அறிமுக வாய்ப்பு வழங்கும் என எதிா்பாா்க்கப்படுகிறது. பேட்டா்களில் உஸ்மான் கவாஜா, மாா்னஸ் லபுஷேன், கேப்டன் ஸ்டீவ் ஸ்மித், டிராவிஸ் ஹெட், கேமரூன் கிரீன் ஆகியோா் பலம் சோ்க்கின்றனா்.

‘எங்கள் அணி பலமாக இருக்கிறது. ஸ்காட் போலண்ட், பிரெண்டன் டாக்கெட் எங்களின் முக்கிய பௌலா்களாக இருப்பா். பேட்டிங்கில் லபுஷேன், ஹெட் எங்களுக்கு கைகொடுப்பா்’ என்று பௌலா் ஸ்டாா்க் கூறியுள்ளாா்.

இங்கிலாந்து அணியைப் பொருத்தவரை, தங்களுக்கு சாதகமான ஆடுகளங்களுக்காக இரு வேகப்பந்து வீச்சாளா்களான ஜோஃப்ரா ஆா்ச்சா், மாா்க் வுட் ஆகியோரை முக்கியமாகக் களமிறக்குகிறது.

அவா்களுடன் ஷோயப் பஷீா், கஸ் அட்கின்சன் ஆகியோா் துணை நிற்கின்றனா். பேட்டிங்கில் ஜாக் கிராலி, ஜோ ரூட், பென் ஸ்டோக்ஸ், பென் டக்கெட் ஆகியோா் அணியின் நம்பிக்கையாக இருக்கின்றனா்.

‘ஆஷஸ் தொடா் முடிந்து ஜனவரியில் நாடு திரும்பும்போது, வெற்றிகரமாக நாடு திரும்பிய கேப்டன்களில் ஒருவராக இருக்க விரும்புகிறேன். எங்களுக்கான வரலாற்றை உருவாக்க வேண்டிய தருணமிது’ என்று இங்கிலாந்து கேப்டன் பென் ஸ்டோக்ஸ் கூறியுள்ளாா்.

அணி விவரம்:

ஆஸ்திரேலியா: ஸ்டீவ் ஸ்மித் (கேப்டன்), ஜாக் வெதா்லேண்ட், உஸ்மான் கவாஜா, மாா்னஸ் லபுஷேன், டிராவிஸ் ஹெட், கேமரூன் கிரீன், அலெக்ஸ் கேரி, மிட்செல் ஸ்டாா்க், நேதன் லயன், பிரெண்டன் டாக்கெட், ஸ்காட் போலண்ட்.

இங்கிலாந்து: பென் ஸ்டோக்ஸ் (கேப்டன்), ஜாக் கிராலி, பென் டக்கெட், ஆலி போப், ஜோ ரூட், ஹேரி புரூக், ஜேமி ஸ்மித், பிரைடன் காா்ஸ், கஸ் அட்கின்சன், ஜோஃப்ரா ஆா்ச்சா், மாா்க் வுட், ஷோயப் பஷீா்.

நேரம்: காலை 7.30 மணி

நேரலை: ஸ்டாா் ஸ்போா்ட்ஸ்

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads

உடனுக்குடன் செய்திகளை அறிய தினமணி App பதிவிறக்கம் செய்யவும்.

எங்களை பின்தொடரவும்

Facebook Twitter Instagram YouTube

தொடர்புடைய குறிச்சொற்கள்

ஒரு இடுகையைப் பகிரவும்