ஜப்பானில் நடைபெறும் டெஃப்லிம்பிக்ஸ் போட்டியில் துப்பாக்கி சுடுதலில் இந்திய கலப்பு இணைகள் தங்கம் மற்றும் வெள்ளிப் பதக்கங்கள் வென்று அசத்தின.

10 மீட்டர் ஏர் ரைஃபிள் கலப்பு அணிகள் பிரிவில், தனுஷ் ஸ்ரீகாந்த், மஹித் சந்து கூட்டணி 17-7 என்ற கணக்கில் தென் கொரியாவின் ஜியோன் டியான், கிம் வூரிம் இணையை வீழ்த்தி தங்கத்தைக் கைப்பற்றியது. இதில் தொடக்கத்திலேயே 4-0 என முன்னிலை பெற்ற தனுஷ், மஹித் ஜோடி, தென் கொரிய இணையுடன் நல்லதொரு இடைவெளி இருக்கும் வகையிலேயே இறுதி வரை முன்னிலையை தக்கவைத்து வெற்றி பெற்றது.

வெண்கலப் பதக்கத்துக்கான சுற்றில், முகமது முர்டாஸô வனியா, கோமல் மிலிந்த் வாக்மேர் ஜோடி 16-12 என்ற வகையில் உக்ரைனின் வயோலெடா லைகோவா, அலெக்ஸôண்டர் கொஸ்டிக் பார்ட்னர்ஷிப்பை வீழ்த்தியது. இந்திய - உக்ரைன் இணை 4-4 என இந்த மோதலை தொடங்கிய நிலையில், இடையே உக்ரைன் ஜோடி 7-5 என முன்னிலை பெற்றது.

ஆனாலும் விடாமல் துரத்திய இந்திய ஜோடி, 7-7, 8-8, 10-10 என பின் தொடர்ந்து, ஒரு கட்டத்தில் முன்னிலையும் கண்டு, இறுதியில் வெற்றியை தனதாக்கி பதக்கத்தைக் கைப்பற்றியது.

தற்போது பதக்கம் வென்றுள்ள இந்த இந்திய இணைகளை சேர்ந்த 4 பேருக்குமே இந்தப் போட்டியில் இது 2-ஆவது பதக்கமாகும்.

ஏற்கெனவே தனிநபர் பிரிவிலும் இவர்கள் பதக்கம் வென்றுள்ளனர். போட்டியில் தற்போது இந்தியா 3 தங்கம், 4 வெள்ளி, 2 வெண்கலம் என 9 பதக்கங்களை வென்றுள்ளது.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads

உடனுக்குடன் செய்திகளை அறிய தினமணி App பதிவிறக்கம் செய்யவும்.