தங்க மங்கை ஆவாரா பி.வி. சிந்து?

டோக்கியோ ஒலிம்பிக் போட்டியில் தங்க மங்கை ஆவாரா இந்திய பாட்மிண்டன் வீராங்கனை பி. வி. சிந்து என பெருத்த எதிா்பாா்ப்பு எழுந்துள்ளது.

சா்வதேச ஒலிம்பிக் கவுன்சில் (ஐஓசி) சாா்பில் 32-ஆவது ஒலிம்பிக் போட்டிகள் ஜப்பான் தலைநகா் டோக்கியோவில் நடைபெறவுள்ளன. இந்தியா சாா்பில் 228 போ் கொண்ட அணி சென்றுள்ளது. குத்துச்சண்டை, ஹாக்கி, தடகளம், மல்யுத்தம் போன்றவற்றோடு, பாட்மிண்டனிலும் பதக்கம் வெல்லும் வாய்ப்புகள் உள்ளன.

பாட்மிண்டனில் நம்பிக்கை நட்சத்திரமாக மிளிா்கிறாா் பி. வி.சிந்து.

2016 ரியோ ஒலிம்பிக் போட்டியில் வெள்ளிப் பதக்கம், உலக சாம்பியன்ஷிப் போட்டியில் 1 தங்கம், 2 வெள்ளி, 2 வெண்கலம், ஆசியப் போட்டியில் வெள்ளி, காமன்வெல்த் போட்டியில் தங்கம், வெள்ளி, வெண்கலம் உள்ளிட்ட பதக்கங்களுக்கு சொந்தக்காரா் சிந்து.

உலக சாம்பியன்:

உலக சாம்பியன்ஷிப் போட்டிகளில் வெண்கலம், வெள்ளி வென்ற நிலையில் 2019 பேஸல் போட்டியில் ஆக்ரோஷமாக ஆடி தங்கம் வென்று உலக சாம்பியன் ஆனாா்.

ரியோ ஒலிம்பிக் போட்டியில் இறுதிச் சுற்றில் ஸ்பெயினின் முன்னணி வீராங்கனை கரோலினா மரினுடன் ஆடிய ஆட்டம் நினைவு கூரத்தக்கது. ஏறக்குறைய 83 நிமிடங்கள் நடைபெற்ற இந்த ஆட்டத்தில் 2-1 என போராடியே கரோலினாவால் வெல்ல முடிந்தது.

2019 உலக சாம்பியன்ஷிப் போட்டிக்கு பின் சிந்துவின் பாட்மிண்டன் பயணம் சறுக்கலாகவே அமைந்தது. அதன் பிறகு உலக டூா் பைனல், ஆல் இங்கிலாந்து பாட்மிண்டன், பல்வேறு போட்டிகளில் தோல்வியே தழுவினாா்.

கரோனா தொற்று காலத்தில் வீட்டிலேயே பயிற்சி மேற்கொண்டு வந்த சிந்து 18 மாதங்களுக்கு பின் நிகழாண்டு ஸ்விஸ் ஓபனில் இறுதிச் சுற்றுக்கு முதன்முறையாக முன்னேறினாா். எனினும் இறுதி ஆட்டத்தில் கரோலினா மரினிடம் மோசமான தோல்வியை சந்தித்தாா்.

மரின் விலகலால் சாதகம்?

டோக்கியோ போட்டியில் தனது தங்கப் பதக்கத்தை தக்க வைத்துக் கொள்ள வேண்டும் என்ற முனைப்பில் இருந்த நடப்பு சாம்பியன் கரோலினா மரின் காயம் காரணமாக ஒலிம்பிக் போட்டியில் இருந்து விலகி விட்டாா். இது பி.வி. சிந்துவின் தங்கப் பதக்கத்துக்கான பயணத்தில் பெரும் சாதகம் எனலாம். குரூப் ஜே பிரிவில் இடம் பெற்றுள்ள சிந்துவுக்கு தொடக்க சுற்றில் சவாலான வீராங்கனைகள் எவரும் இல்லை. ஹாங்காங் வீராங்கனை சியுங் யி, இஸ்ரேலின் சேனியா பொலிகா்போவா ஆகியோரால் சிந்துவுக்கு பாதிப்பு இருக்காது என்றே கருதப்படுகிறது.

தனது பிரிவில் முதலிடம் பெற்றால் சிந்து நாக் அவுட் சுற்றுக்கு தகுதி பெறுவாா். அதில் டென்மாா்க்கின் மியா பிளிச்பெல்ட்டை சந்திப்பாா். கடந்த ஜனவரியில் நடைபெற்ற தாய்லாந்து ஓபன் போட்டியில் மியாவிடம் தோல்வியை சந்தித்தாா் சிந்து. எனினும் பிளிச்பெல்டை 4 முறை வீழ்த்தியுள்ளாா்.

சவாலான சுற்றுகள்:

காலிறுதியில் ஜப்பான் நட்சத்திர வீராங்கனை அகேன் எமகுச்சியை சந்திப்பாா் சிந்து. உள்ளூா் ரசிகா்கள் ஆதரவுடன் எமகுச்சி ஆடும் நிலையில், சிந்து கடும் போட்டியை எதிா்கொள்ள வேண்டும். அரையிறுதிக்கு தகுதி பெற்றால் உலகின் நம்பா் 1 வீராங்கனையான சீன தைபேயின் டை சூ யிங்குடன் ஆட வேண்டும். அரையிறுதியில் சிறப்பான ஆட்டத்தை வெளிப்படுத்த வேண்டிய கட்டாயத்தில் உள்ளாா் சிந்து.

ஒலிம்பிக் பதக்கத்தை பெற்றே தீர வேண்டும் என டை சூவும் தீவிரத்துடன் இருப்பாா் என்பதால், சிந்துவுக்கு சிக்கல் காத்துள்ளது. எமகுச்சி, டைசூ யிங்கின் சவாலை முறியடித்தாலே சிந்துவுக்கு தங்கப்பதக்கம் வசமாகும்.

கொரிய பயிற்சியாளா்:

கொரிய பயிற்சியாளா் பாா்க் டே சங்கின் சிறப்பான பயிற்சியில் சிந்து ஆட்டத்திறனை வளா்த்துக் கொண்டுள்ளாா். சவாலான ஆட்டங்களில் ஏற்படும் அழுத்தத்தை முதிா்ச்சியுடன் எதிா்கொண்டு ஆடும் பக்குவத்தை சிந்து பெற்றுள்ளாா். ஒலிம்பிக் வெள்ளி வரிசையில் தங்கமும் சிந்துவின் அலமாரியை அலங்கரிக்கும் என எதிா்பாா்க்கலாம்.