கிரேட்டஸ்ட் ஆஃப் ஆல் டைம் விராட் கோலி..! 100 அரைசதங்கள் விளாசி புதிய சாதனை!

டி20 போட்டிகளில் 100-வது அரைசதம் விளாசி ஆர்சிபி வீரர் விராட் கோலி புதிய மைல்கல் சாதனை படைத்துள்ளார்.

நடப்பு ஐபிஎல் தொடரின் ஜெய்ப்பூரில் நடைபெறும் லீக் சுற்றுக்கான 28-வது போட்டியில் ராஜஸ்தான் ராயல்ஸ் மற்றும் ராயல் சேலஞ்சர்ஸ் பெங்களூரு அணிகள் விளையாடின. சிறப்பாக விளையாடிய ஆர்சிபி அணியின் நட்சத்திர ஆட்டக்காரர் விராட் கோலி 62 (4 பவுண்டரி, 2 சிக்ஸர்) விளாசி அசத்தினார்.

இந்தப் போட்டியில் ஆர்சிபி அணி 9 விக்கெட் வித்தியாசத்தில் அபார வெற்றி பெற்றது. இந்தப் போட்டியில் அரைசதம் விளாசியதன் மூலம் விராட் கோலி புதிய சாதனை ஒன்றை படைத்துள்ளார்.

இதையும் படிக்க: விராட் கோலி - சால்ட் விளாசல்: ஆர்சிபிக்கு 4-வது வெற்றி!

டி20 போட்டிகளில் 386 இன்னிங்ஸ்களில் விளையாடியுள்ள விராட் கோலிக்கு 100-வது அரைசதமாக அமைந்தது. இந்திய வீரர்களில் 100 அரைசதங்கள் விளாசிய ஒரேயொருவர், மொத்தமாக உலகளவில் 2-வது வீரர் என்ற சாதனையையும் படைத்தார் கோலி.

டி20 போட்டிகளில் அதிக அரைசதங்கள்

டேவிட் வார்னர் - 108

விராட் கோலி -100*

பாபர் அசாம் - 90

கிறிஸ் கெயில் -88

ஜோஸ் பட்லர் - 86