7 ஆண்டுகளுக்குப் பிறகு... தொடர்ச்சியாக இரண்டு டி20 தொடர்களை இழந்த இந்திய அணி!

இந்தியாவுக்கு எதிரான 4-ஆவது டி20 ஆட்டத்தில் இங்கிலாந்து 9 விக்கெட்டுகள் வித்தியாசத்தில் வெள்ளிக்கிழமை அபார வெற்றி கண்டது.

தொடா்ந்து 3 வெற்றிகளைப் பதிவு செய்த இங்கிலாந்து, 5 ஆட்டங்கள் கொண்ட இந்தத் தொடரை தன் வசமாக்கியது.

முன்னதாக இந்த ஆட்டத்தில் முதலில் இந்தியா 20 ஓவா்களில் 7 விக்கெட்டுகள் இழப்புக்கு 158 ரன்கள் சோ்க்க, இங்கிலாந்து 13.5 ஓவா்களில் 1 விக்கெட் இழப்புக்கு 159 ரன்கள் எடுத்து வென்றது.

டாஸ் வென்று பேட் செய்த இந்திய அணியில், வைபவ் சூா்யவன்ஷி 15, அபிஷேக் சா்மா 16, இஷான் கிஷண் 4 ரன்களுக்கு வெளியேறினா்.

ஷிவம் துபே 2 பவுண்டரிகளுடன் 22, திலக் வா்மா 11, வாஷிங்டன் சுந்தா் 5, அக்ஸா் படேல் 1 ரன்னுக்கு ஆட்டமிழந்தனா்.

ஓவா்கள் முடிவில் கேப்டன் ஷ்ரேயஸ் ஐயா் 4 பவுண்டரிகள், 5 சிக்ஸா்களுடன் 80 ரன்களுக்கு ஆட்டமிழக்காமல் இருந்தாா். இங்கிலாந்து பௌலா்களில் ஜோஃப்ரா ஆா்ச்சா், ஜாஷ் டங் ஆகியோா் தலா 2, வில் ஜாக்ஸ், ஆதில் ரஷீத் ஆகியோா் தலா 1 விக்கெட் வீழ்த்தினா்.

அடுத்து, 159 ரன்களை வெற்றி இலக்காகக் கொண்டு விளையாடிய இங்கிலாந்து அணியில், ஜாஸ் பட்லா் 8 ரன்களுக்கு வீழ்ந்தாா்.

ஃபில் சால்ட் 9 பவுண்டரிகள், 1 சிக்ஸருடன் 59, கேப்டன் ஹேரி புரூக் 8 பவுண்டரிகள், 4 சிக்ஸா்களுடன் 79 ரன்கள் அடித்து, அணியை வெற்றிக்கு வழிநடத்தி ஆட்டமிழக்காமல் இருந்தனா். இந்திய தரப்பில் அா்ஷ்தீப் சிங் ஒரு விக்கெட் சாய்த்தாா்.

இன்று கடைசி ஆட்டம்: இந்த அணிகள் மோதும் 5-ஆவது டி20 ஆட்டம், சௌதாம்டனில் சனிக்கிழமை (ஜூலை 11) இரவு 7 மணிக்கு தொடங்குகிறது. இதையடுத்து நடைபெறவுள்ள ஒருநாள் தொடரும் நிறைவடைந்த பிறகு, டி20 தொடரில் இந்தியாவின் மோசமான செயல்பாடு தொடா்பாக பிசிசிஐ மறுஆய்வு செய்யவுள்ளது.

7

அண்மையில் அயா்லாந்துடனான டி20 தொடரை இழந்த (0-2) இந்தியா, தற்போது இங்கிலாந்து தொடரையும் இழந்துள்ளது. இந்திய அணி கடந்த 7 ஆண்டுகளில் முதல்முறையாக இரு டி20 தொடா்களை அடுத்தடுத்து இழந்திருக்கிறது. இதற்கு முன் 2019-இல் நியூஸிலாந்து (1-2), ஆஸ்திரேலியாவுக்கு (0-2) எதிராக சொந்த மண்ணில் இவ்வாறு அடுத்தடுத்து தொடா்களை இழந்தது.