ஃபரீதாபாத்தில் இரண்டு வயது வளா்ப்பு மகனை தரையில் வீசிக் கொன்றதாக ஒருவா் கைது

தனது இரண்டு வயது வளா்ப்பு மகனை தரையில் வீசி கொன்ாகக் கூறி 36 வயது நபரை ஃபரீதாபாத் காவல்துறை கைது செய்துள்ளதாக அதிகாரிகள் வியாழக்கிழமை தெரிவித்தனா்.

குற்றம் சாட்டப்பட்டவா் நகர நீதிமன்றத்தில் ஆஜா்படுத்தப்பட்டு இரண்டு நாள் போலீஸ் காவலில் வைக்கப்பட்டுள்ளாா்.

காவல்துறையினரின் கூற்றுப்படி, இந்தச் சம்பவம் ஜனவரி 25- ஆம் தேதி பல்லப்கரின் சிக்ரி மொஹல்லா பகுதியில் நடந்தது. கொலைக்குப் பிறகு, குற்றம் சாட்டப்பட்டவா் தனது மனைவியிடம் குழந்தை படிக்கட்டுகளில் இருந்து கீழே விழுந்ததாக கூறினாா். பிரேத பரிசோதனைக்குப் பிறகு போலீஸாா் ஆரம்பத்தில் உடலை குடும்பத்தினரிடம் ஒப்படைத்த போதிலும், அப்போது எந்த வழக்கும் பதிவு செய்யப்படவில்லை.

இந்த விவகாரம் பின்னா் காவல்துறையினரால் விசாரணைக்கு எடுத்துக்கொள்ளப்பட்டது. இது கொலையை வெளிப்படுத்தியது. பின்னா், செக்டாா் 58 காவல் நிலையத்தில் எஃப்ஐஆா் பதிவு செய்யப்பட்டு, குற்றம் சாட்டப்பட்டவா் புதன்கிழமை கைது செய்யப்பட்டாா்.

கைது செய்யப்பட்டவா் ரன்பீா் சிங் என அடையாளம் காணப்பட்டாா். அவா் உத்தர பிரதேசத்தின் ஹத்ராஸ் மாவட்டத்தில் உள்ள சிஷ்டா கிராமத்தைச் சோ்ந்தவா். அவா் தற்போது பல்லப்கரில் உள்ள சிக்ரி மொஹல்லா சாலையில் வசித்து வருகிறாா்.

விசாரணையின் போது, குற்றம் சாட்டப்பட்டவா் கடந்த ஆண்டு நவம்பரில் ஒரு பெண்ணை மணந்ததாகவும், அவருக்கு முந்தைய திருமணத்தில் மூன்று குழந்தைகள் இருந்ததாகவும் தெரிவித்தாா். குழந்தைகளை தனக்கு பிடிக்கவில்லை என்றும், அவா்களைக் கொல்லத் திட்டமிட்டதாகவும் அவா் கூறியதாக ஃபரீதாபாத் காவல்துறை செய்தித் தொடா்பாளா் ஒருவா் தெரிவித்தாா்.

ஜனவரி 25-ஆம் தேதி மாலை, ரன்பீா் சிங் இரண்டு வயது சிறுவனை அவா்களது வீட்டு அறையிலிருந்து சிறிது தூரத்தில் அழைத்துச் சென்று தரையில் வீசி கொன்ாகக் கூறப்படுகிறது. பின்னா் அவா் வீடு திரும்பியபோது, ​​குழந்தை படிக்கட்டுகளில் இருந்து விழுந்து உயிரிழந்ததாகக் கூறினாா் என்று செய்தித் தொடா்பாளா் மேலும் கூறினாா்.