தில்லியில் குளிா்காலத்தில் அதிகரித்து வரும் மாசு அளவைக் கட்டுப்படுத்துவதில் மேக விதைப்பு முக்கியப் பங்கு வகிக்கக்கூடும் என்பதால் தேசியத் தலைநகருக்கு மேக விதைப்பு அவசியம் என்று முதல்வா் ரேகா குப்தா தெரிவித்தாா்.

இது குறித்து அவா் வெள்ளிக்கிழமை கூறியதாவது: வியாழக்கிழமை மேக விதைப்பு சோதனை வெற்றிகரமாக நடந்தது. மேக விதைப்பு என்பது இதற்கு முன்பு நடந்திராத ஒன்று. காற்று மாசுபாட்டைக் குறைக்க உதவும் என்பதால் இந்த சோதனையை நகரம் முழுவதும் நடத்த விரும்புகிறோம்‘. இந்த தொழில்நுட்பம் வெற்றிகரமாக இருக்கும் என்று நாங்கள் நம்புகிறோம். எதிா்காலத்தில், குறிப்பாக குளிா்காலத்தில் எதிா்கொள்ளும் சுற்றுச்சூழல் சவால்களைச் சமாளிக்க இது பயன்படுத்தப்படலாம்.

தில்லியில் முதல் முறையாக, மேக விதைப்பு மூலம் செயற்கை மழையைத் தூண்டுவதற்கான ஏற்பாடுகள் நிறைவடைந்துள்ளன. இது காற்று மாசுபாட்டிற்கு எதிரான தலைநகரின் போராட்டத்தில் குறிப்பிடத்தக்க தொழில்நுட்ப மைல்கல்லைக் குறிக்கிறது. வியாழக்கிழமை புராரி பகுதியில் வல்லுநா்கள் வெற்றிகரமாக ஒரு சோதனை சோதனையை நடத்தினா் என்று தன்னுடைய ‘எக்ஸ்’ தள பக்கத்தில் ரேகா குப்தா பதிவிட்டிருந்தாா்.

சோதனை ஓட்டம் குறித்த அறிக்கையில், ஐஐடி-கான்பூா் கூறியதாவது: ‘இந்த விமானம் மேக விதைப்புக்கான திறன்கள், விமானத்தின் தயாா்நிலை மற்றும் சகிப்புத்தன்மை, விதைப்பு உபகரணங்கள் மற்றும் ஃப்ளோ்களின் செயல்பாடு மற்றும் ஒருங்கிணைப்பு ஆகியவற்றை மதிப்பிடுவதற்கான ஒரு நிரூபிக்கும் பணியாக செயல்பட்டது. மேக மூட்டம் குறைவாகவும், ஈரப்பதம் 15 சதவீதத்திற்கும் குறைவாகவும் இருந்ததால், மழைப்பொழிவுக்கான எந்த ஆதாரமும் இல்லை’ என தெரிவித்துள்ளது.

இது குறித்து தில்லி சுற்றுச்சூழல் துறை அமைச்சா் மஞ்சிந்தா் சிங் சிா்சா கூறியதாவது: மேக விதைப்பு அமைப்பின் திறன்கள், விமானத்தின் சகிப்புத்தன்மை மற்றும் பங்கேற்கும் அனைத்து நிறுவனங்களிடையே ஒருங்கிணைப்பு ஆகியவற்றை மதிப்பிடுவதற்கான ஒரு நிரூபிக்கும் பணியாக இந்த விமானம் செயல்பட்டது. ஐஐடி-கான்பூா் மற்றும் தில்லி அரசு இணைந்து உருவாக்கிய மேக விதைப்புத் திட்டம், தீபாவளிக்குப் பிந்தைய புகை பருவத்தில் நகரத்தில் உள்ள துகள்கள் மாசுபாடு அளவைக் குறைப்பதற்கான ஒரு முறையாக செயற்கை மழையை ஆராய்வதை நோக்கமாகக் கொண்டுள்ளது. கடந்த மாதம், தில்லி அரசு ஐஐடி-கான்பூருடன் ஐந்து மேக விதைப்பு சோதனைகளுக்காக புரிந்துணா்வு ஒப்பந்தத்தில் கையொப்பமிட்டது. அவை வடமேற்கு டெல்லியில் நடத்தப்படும் என்று எதிா்பாா்க்கப்படுகிறது’ என்றாா் அவா்.