மீண்டும் அதிரடியாக பவுனுக்கு ரூ.3,040 உயர்ந்த தங்கம் விலை: அதிர்ச்சியில் மக்கள்!

சென்னை: தங்கத்தின் விலை புதன்கிழமை அதிரடியாக பவுனுக்கு ரூ.3,040 உயர்ந்து ரூ.1,12,400-க்கு விற்பனையாகிறது.

தங்கம் விலை தொடா்ந்து ஏற்ற இறக்கமாக இருந்து வருகிறது. அதன்படி, திங்கள்கிழமை காலை தங்கத்தின் விலை கிராமுக்கு ரூ.60 குறைந்து ரூ.13,600-க்கும், பவுனுக்கு ரூ.480 குறைந்து ரூ.1,08,800-க்கும் விற்பனையானது. தொடா்ந்து மாலையில் கிராமுக்கு ரூ.170 உயா்ந்து ரூ.13,770-க்கும், பவுனுக்கு ரூ.1,360 உயா்ந்து ரூ.1,10,160-க்கும் விற்பனையானது.

செவ்வாய்க்கிழமை கிராமுக்கு ரூ.100 குறைந்து ரூ.13,670-க்கும் பவுனுக்கு ரூ.800 குறைந்து ரூ.1,09,360-க்கும் விற்பனையானது.

இந்த நிலையில், புதன்கிழமை கிராமுக்கு ரூ.380 உயர்ந்து ரூ.14,050-க்கும் பவுனுக்கு ரூ.3,040 உயர்ந்து ரூ.1,12,400-க்கும் விற்பனையாகிறது.

வெள்ளி விலை கிராமுக்கு ரூ.15 உயர்வு

வெள்ளி விலை அதிரடியாக கிராமுக்கு ரூ.15 உயர்ந்து ரூ.265-க்கும், ஒரு கிலோ (கட்டி வெள்ளி) ரூ.15,000 உயர்ந்து ரூ.2.65 லட்சத்துக்கும் விற்பனையாகிறது.