‘காலா’ பைரவருக்கு 2 கோடி ரூபாய் கொட்டிக் கொடுக்கத் தயாராக இருக்கும் சூப்பர் ஸ்டார் ரசிகர்கள்!

காலா திரைப்படத்தில் ரஜினியுடன் ஒரு நாயும் நடித்திருப்பதை படத்தின் போஸ்டர்களில் கண்டிருப்பீர்கள். அந்த நாயின் இன்றைய மதிப்பு எவ்வளவு தெரியுமா? 2 கோடி ரூபாய் என்கிறார் அதன் தற்போதைய உரிமையாளரும், பயிற்சியாளருமான சைமன். ஆனால், எவ்வளவு கொடுத்தாலும் மணியை யாருக்கும் விட்டுக் கொடுக்கத் தயாராக இல்லை சைமன். தெருநாயாக தான் கண்டெடுத்த மணியை திரைப்படங்களில் நடிக்குமளவுக்கு பழக்கப்படுத்த சைமன் ஆரம்பத்தில் மிகவும் கஷ்டப் பட்டிருக்கிறார். முதன்முதலில் அந்த நாயைக் கண்டெடுத்த போது அது என்னைக் கடித்து விட்டது. ஆனாலும், அதன் மீதான ப்ரியம் காரணமாக நான் அதனுடன் தொடர்ந்து பழகி அதன் நட்பைப் பெற்றேன். இப்போதெல்லாம் தூங்கி எழுந்ததும் முதல் வேலையாகத் தினமும் அதன் முகத்தில் தான் நான் விழிக்கிறேன். அந்த அளவுக்கு அதன் மீதான அன்பு பெருகிவிட்டது.

காலா படத்தில், படம் முழுக்க மணி சூப்பர் ஸ்டாருடன் நடித்தது. திரைப்படத்தில் காலாவாக ரஜினி மணி என்று குரல் கொடுத்தால் போதும் மணி ஓடிப்போய் காலாவின் ஜீப்பில் ஏறி அவரது அருகில் அமர்ந்து விடும். அந்த அளவுக்கு ரஜினியின் குரலுக்கு அது கட்டுப்பட்டிருந்தது. என்று மகிழும் சைமன், காலா திரைப்படத்துக்காக இயக்குனர் பா.ரஞ்சித் கிட்டத்தட்ட 30 நாய்களுக்கும் மேல் தேர்வு நடத்தி பரிசோதித்துப் பார்த்தார். முடிவில் மணி தேர்வானது. காலாவில் ரஜினியின் வளர்ப்பு நாயாக நடித்ததால் ஒரே இரவில் மணியின் விலை 2 கோடி ரூபாயாகி விட்டது. அதோடு காலாவைத் தொடர்ந்து மேலும் மூன்று திரைப்படங்களில் நடிக்க மணி ஒப்பந்தம் செய்யப்பட்டுள்ளது.

மக்கள் என்னிடம் மணியை விலைக்கு கேட்டு வரும் போது, எனக்கு பணம் முக்கியமில்லை, என் மணி தான் முக்கியம் என்று சொல்லத் தோன்றுகிறது. மணி இப்போது எனது குடும்பத்தில் ஒருவன் என்கிறார் சைமன்.
 

பாகுபலியை மிஞ்சி விட்டார் இந்த பாரிஸ்  ஸ்பைடர் மேன்!

ரூபாய் நோட்டுகளில் இனி காந்தி படத்துக்குப் பதிலாக வீர் சாவர்க்கர் படமா?

அடடா, கிராமர் செக் பண்றதே இல்லையா? அதிபர் ட்ரம்பை கலாய்த்த இங்கிலீஷ் டீச்சர்!

காளி வேஷமிட்ட நபரை கொடூரமாகத் தாக்கி கொலை செய்த இளைஞர்கள்!

ஸ்டாலின், பாத்திமாபாபு தொடர்பாக பல்லாண்டுகளாகப் புகைந்து கொண்டிருந்த வதந்திகளுக்கு முற்றுப்புள்ளி!