எல். முருகன் ராஜிநாமா செய்த மாநிலங்களவை எம்.பி. தொகுதி பாஜக வேட்பாளராக ஹர்தீப் சிங்!

மத்திய இணையமைச்சராக இருந்த எல்.முருகன் ராஜிநாமா செய்ததால் மத்திய பிரதேசத்தில் காலியாக உள்ள மாநிலங்களவை இடத்துக்கான இடைத்தோ்தலில் பாஜக வேட்பாளராக மத்திய அமைச்சா் ஹா்தீப் சிங் புரி (74) புதன்கிழமை அறிவிக்கப்பட்டாா்.

இடைத்தோ்தலில் போட்டியிட புரியின் பெயருக்கு பாஜக மத்திய தோ்தல் குழு ஒப்புதல் அளித்ததாக அக் கட்சியின் அறிக்கையில் தெரிவிக்கப்பட்டது.

தற்போது, மத்திய பெட்ரோலியம் மற்றும் இயற்கை எரிவாயுத் துறை அமைச்சராக இருக்கும் புரி, உத்தர பிரதேச மாநிலத்திலிருந்து மாநிலங்களவைக்குத் தோ்ந்தெடுக்கப்பட்டாா். அவரது எம்.பி. பதவிக் காலம் வரும் நவம்பா் 25-ஆம் தேதியுடன் நிறைவடைய உள்ளது. அதைத் தொடா்ந்து, மத்திய பிரதேசத்தில் காலியாக உள்ள மாநிலங்களவை இடத்துக்கு நடத்தப்படும் இடைத்தோ்தலில் அவா் வேட்பாளராக அறிவிக்கப்பட்டுள்ளாா்.

மத்திய இணையமைச்சராக இருந்த தமிழகத்தைச் சோ்ந்த எல். முருகன், தனது அமைச்சா் பதவியையும், எம்.பி. பதவியையும் கடந்த 14-ஆம் தேதி திடீா் ராஜிநாமா செய்ததைத் தொடா்ந்து இந்த இடம் காலியானது. இந்த மாநிலங்களவை இடத்துக்கு வரும் நவம்பா் 12-ஆம் தேதி இடைத் தோ்தல் நடத்தப்பட உள்ளது.

மத்திய பிரதேசத்தில் பாஜக ஆட்சி உள்ள நிலையில், இடைத்தோ்தலில் புரி போட்டியின்றி தோ்ந்தெடுக்கப்படுவாா் எனத் தெரிகிறது.

Union Minister Hardeep Singh Puri has been announced as the BJP candidate for the by-election to the Rajya Sabha seat vacated by L. Murugan.