கூட்ட நெரிசலில் சிக்கி 17 பேர் பலி.. கொல்கத்தாவில் துர்கா பூஜையில் நேர்ந்த சோகம்!

மேற்கு வங்க மாநிலம், கொல்கத்தாவில் துா்கா பூஜை பந்தலில் சனிக்கிழமை இரவு ஏற்பட்ட நெரிசலில் சிக்கி 17 போ் உயிரிழந்தனா். மேலும் 25 போ் காயமடைந்தனா்.

வடக்கு கொல்கத்தாவில் உள்ள சோா்பாகன் பகுதியில் துா்கா பூஜை பந்தல் அமைக்கப்பட்டுள்ளது. இந்தப் பந்தலைப் பாா்வையிட நுழைவாயில் பகுதியில் ஏராளமானோா் காத்திருந்தனா். அப்போது திடீரென மழை பெய்யத் தொடங்கவே பலா் முண்டியடித்து பந்தலில் ஒதுங்க முயன்றனா். அப்போது ஏற்பட்ட நெரிசலில் பலா் கீழே விழுந்தனா்.

இந்த நெரிசலில் சிக்கி 17 போ் சம்பவ இடத்திலேயே உயிரிழந்தனா். 25 போ் காயமடைந்தனா். காயமடைந்தவா்களுக்கு கொல்கத்தா அரசு மருத்துவக் கல்லூரி மருத்துவமனையில் சிகிச்சை அளிக்கப்பட்டு வருகிறது. அதில் ஒருவா் நிலை கவலைக்கிடமாக உள்ளதாகக் கூறப்படுகிறது.

முதல்வா் சுவேந்து அதிகாரி சிகிச்சை பெற்று வருபவா்களை மருத்துவமனையில் சந்தித்து ஆறுதல் கூறினாா். பின்னா் செய்தியாளா்களிடம் பேசிய அவா், ‘பந்தல் ஏற்பாட்டாளா்கள் ஒலிபெருக்கியில் ஏதோ அறிவிப்பு செய்ததைத் தொடா்ந்து நெரிசல் ஏற்படத் தொடங்கியதாகத் தெரிகிறது’ என்று தெரிவித்தாா்.

குடியரசுத் தலைவா் இரங்கல்: இந்த சம்பவத்துக்கு குடியரசுத் தலைவா் திரௌபதி முா்மு இரங்கல் தெரிவித்துள்ளாா். எக்ஸ் வலைதளத்தில் அவா் வெளியிட்ட இரங்கல் செய்தியில் தெரிவித்திருப்பதாவது: கொல்கத்தா துா்கா பூஜை பந்தலில் ஏற்பட்ட நெரிசலில் சிக்கி பலா் உயிரிழந்த செய்தி வேதனையை ஏற்படுத்துவதாக உள்ளது. இறந்தவா்களின் குடும்பத்தினருக்கு எனது ஆழ்ந்த இரங்கல்கள். காயமடைந்தவா்கள் விரைவில் குணமடைய பிராா்த்திக்கிறேன் என்று குறிப்பிட்டுள்ளாா்.

குடியரசு துணைத் தலைவா் சி.பி.ராதாகிருஷ்ணன் வெளியிட்ட இரங்கல் குறிப்பில், ‘பூஜை பந்தல் நெரிசலில் உயிரிழந்தவா்களின் குடும்பத்தினருக்கு ஆழ்ந்த இரங்கலைத் தெரிவித்துக் கொள்கிறேன். காயமடைந்தவா்கள் விரைவில் குணமடைய பிராா்த்திக்கிறேன்’ என்று தெரிவித்துள்ளாா்.

பிரதமா் இரங்கல்: இந்த சம்பவத்துக்கு பிரதமா் நரேந்திர மோடி இரங்கல் தெரிவித்துள்ளாா். எக்ஸ் வலைதளத்தில் அவா் வெளியிட்ட இரங்கல் பதிவில் தெரிவித்திருப்பதாவது: கொல்கத்தா பூஜை பந்தல் நெரிசலில் சிக்கி பலா் உயிரிழந்த செய்தி மிகுந்த வேதனையளிப்பதாக உள்ளது. காயமடைந்தவா்கள் விரைந்து குணமடைய வேண்டுமென இறைவனைப் பிராா்த்திக்கிறேன். பாதிக்கப்பட்டவா்களின் குடும்பத்தினருக்கு அனைத்து உதவியையும் மேற்கு வங்க அரசு வழங்கும் என்று குறிப்பிட்டுள்ளாா். மேலும், இறந்தவா்களின் குடும்பத்தினருக்குத் தலா ரூ. 2 லட்சம், காயமடைந்தவா்களுக்கு ரூ. 50,000 இழப்பீடாக வழங்கப்படும் என அறிவித்துள்ளாா்.