தோ்தல் ஆணைய படிவம் 6-இல் சட்டவிரோதமாக ஞானேஷ் குமாா் திருத்தம் செய்தது சந்தேகமின்றி நிரூபணம்: ராகுல் காந்தி தாக்கு

புது தில்லி: தோ்தல் ஆணைய படிவம் 6-இல் சட்டவிரோதமாகவும், தன்னிச்சையாகவும் ஞானேஷ் குமாா் திருத்தம் செய்தது சந்தேகமின்றி நிரூபணமாகிவிட்டதாக காங்கிரஸ் மூத்த தலைவா் ராகுல் காந்தி விமா்சித்துள்ளாா்.

தோ்தல் ஆணையா்கள் இருவரின் ஒப்புதல் இன்றி தோ்தல் ஆணையம் பல்வேறு முடிவுகள் எடுத்ததாகக் குற்றஞ்சாட்டி உச்ச நீதிமன்றத்தில் மனு தாக்கல் செய்யப்பட்டுள்ளது. இந்த மனு, உச்சநீதிமன்றத்தில் தலைமை நீதிபதி சூா்ய காந்த் தலைமையிலான நீதிபதிகள் அமா்வில் திங்கள்கிழமை விசாரணைக்கு வந்தது. அப்போது, மனு குறித்து விளக்கம் கேட்டு தோ்தல் ஆணையம், மத்திய அரசுக்கு நோட்டீஸ் அனுப்ப நீதிபதிகள் உத்தரவிட்டனா். தலைமைத் தோ்தல் ஆணையருக்கு சட்டத்தில் கொடுக்கப்பட்டுள்ள தனிப் பாதுகாப்பு தொடா்பான பிரிவை ஆராய்வோம், அனைத்து முடிவுகளையும் ஆய்வு செய்வோம், அதில் ஏதேனும் சட்டத்துக்கு உட்பட்டு எடுக்கப்படவில்லை எனில் அதை ரத்து செய்வோம் என்றும் நீதிபதிகள் குறிப்பிட்டனா்.

இதைச் சுட்டிக்காட்டி, தனது எக்ஸ் சமூக வலைதளப் பக்கத்தில் ராகுல் காந்தி திங்கள்கிழமை வெளியிட்ட பதிவுகளில் தெரிவிக்கப்பட்டிருப்பதாவது:

படிவம் 6-இல் சட்டவிரோதமாகவும், தன்னிச்சையாகவும் ஞானேஷ் குமாா் திருத்தம் செய்தது சந்தேகமின்றி நிரூபணமாகிவிட்டது. தனது பதவியைப் பயன்படுத்தி பாஜகவுக்கு அவா் உதவி செய்ததற்கு இது மேலும் ஒரு சான்றாகும்.

ஞானேஷ் குமாரும், அவருடன் சோ்ந்து ஜனநாயகத்தின் மீது தாக்குதலில் ஈடுபட்டோரும் இதற்குப் பொறுப்பாக்கப்படுவாா்கள் எனப் பதிவிட்டுள்ளாா்.

அத்துடன் கடந்த மாதம் 26-ஆம் தேதி படிவம் 6 தொடா்பாக தலைமைத் தோ்தல் ஆணையம் வெளியிட்ட அறிவிப்பு குறித்த புகைப்படத்தையும் ராகுல் காந்தி தனது எக்ஸ் சமூக வலைதளப் பக்கத்தில் பகிா்ந்துள்ளாா்.