சிம்லாவில் ராகுல் காந்தி!

காங்கிரஸ் தலைவரும், மக்களவை எதிர்க்கட்சித் தலைவருமான ராகுல் காந்தி வெள்ளிக்கிழமை சிம்லா சென்றுள்ளார்.

அவர் தனிப்பட்ட பயணமாக சிம்லா சென்றிருப்பதாக அதிகாரிகள் தெரிவித்தனர்.

பின்னர், சிம்லாவிலிருந்து சுமார் 12 கிலோமீட்டர் தொலைவில் உள்ள சரப்ராவில் இருக்கும் தனது சகோதரி பிரியங்கா காந்தியின் வீட்டிற்குச் சென்றார்.

அடுத்த சில நாட்களுக்கு அவர் அங்கு தங்குவார் என எதிர்பார்க்கப்படுவதாக அவர்கள் மேலும் கூறினர்.

ராகுல் காந்தியின் வருகையைத் தொடர்ந்து அவரது பாதுகாப்பை உறுதி செய்வதற்காக அப்பகுதியில் கூடுதல் பாதுகாப்பு போடப்பட்டுள்ளது.