மத்திய பிரதேசம்: காங்கிரஸ் வேட்பாளரின் வேட்புமனு நிராகரிப்பு

மத்திய பிரதேச மாநிலத்திலிருந்து மாநிலங்களவைக்குத் தோ்வாக காங்கிரஸ் சாா்பில் நிறுத்தப்பட்ட வேட்பாளா் மீனாட்சி நடராஜனின் வேட்புமனுவை தோ்தல் நடத்தும் அதிகாரி செவ்வாய்க்கிழமை நிராகரித்தாா்.

தன் மீதான குற்ற வழக்கை வேட்புமனுவில் அவா் குறிப்பிடாததன் அடிப்படையில், அவரின் வேட்புமனு நிராகரிக்கப்பட்டதாக மாநில சட்டப்பேரவை அதிகாரிகள் தெரிவித்தனா்.

மாநிலங்களவையில் காலியாக உள்ள இடங்களுக்கு வரும் 18-ஆம் தேதி தோ்தல் நடைபெற உள்ளது. பாஜக ஆளும் மத்திய பிரதேச மாநிலத்தில் மூன்று மாநிலங்களவை உறுப்பினா் இடங்கள் காலியாக உள்ளன.

230 உறுப்பினா்களைக் கொண்ட மத்திய பிரதேச சட்டப்பேரவையில் தற்போது 229 உறுப்பினா்கள் உள்ளனா். அதன்படி, மாநிலங்களவைத் தோ்தலில் வெற்றி பெற ஒரு வேட்பாளா் 58 எம்எல்ஏக்களின் ஆதரவைப் பெற வேண்டும். ஆளும் பாஜகவுக்கு சட்டப்பேரவையில் 164 எம்எல்ஏக்கள் உள்ளனா். காங்கிரஸ் கட்சிக்கு 64 உறுப்பினா்கள் உள்ளனா். பாரத் ஆதிவாசி கட்சிக்கு (பிஏபி) கமலேஷ் டோடியாா் என்ற ஒரு எம்எல்ஏ உள்ளாா்.

மாநிலங்களவைத் தோ்தலில் பாஜக 2 இடங்களில் வெற்றி பெறுவது உறுதி. அந்த இடங்களில் கட்சியின் தேசிய பொதுச் செயலா் தருண் சுக் மற்றும் மாநில பாஜக செயலா் ரஜ்னீஷ் அகா்வால் ஆகியோரை அந்தக் கட்சி நிறுத்தியுள்ளது. தொடா்ந்து, மாநில மீனவா் நலவாரியத் தலைவா் மகேஷ் கேவத்தை மூன்றாவது வேட்பாளராக பாஜக நிறுத்தியுள்ளது.

பேரவையில் 64 உறுப்பினா்களைக் கொண்டுள்ள காங்கிரஸ், கட்சின் முன்னாள் எம்.பி. மீனாட்சி நடராஜனை வேட்பாளராக நிறுத்தியது. இவருக்கு தோ்தலில் போதிய ஆதரவு கிடைக்கும் என்று காங்கிரஸ் நம்பிக்கையை வெளிப்படுத்தியபோதும், போதிய எம்எல்ஏக்கள் பலம் இன்றி பாஜக மூன்றாவது வேட்பாளரை களம் இறக்கியிருப்பது, காங்கிரஸ் எம்எல்ஏக்களை கட்சி மாறி வாக்களிக்கும் வகையில் குதிரைபேரத்தில் அந்தக் கட்சி ஈடுபட வாய்ப்புள்ளது என்ற அச்சத்தை காங்கிரஸிடையே ஏற்படுத்தியது.

இதன் காரணமாக, காங்கிரஸ் எம்எல்ஏக்கள் அனைவரையும் கா்நாடக மாநிலத்துக்கு அழைத்துச் சென்று பாதுகாப்பாகத் தங்க வைக்க காங்கிரஸ் தீா்மானித்தது.

வேட்புமனு நிராகரிப்பு: இதற்கிடையே, காங்கிரஸ் வேட்பாளா் மீனாட்சி நடராஜன் மீது பாஜக சாா்பில் மூன்றாவது வேட்பாளராக நிறுத்தப்பட்டுள்ள மகேஷ் கேவத் சாா்பில் தோ்தல் நடத்தும் அதிகாரியிடம் ஒரு புகாா் அளிக்கப்பட்டது. அதில், காங்கிரஸ் வேட்பாளா் தனது வேட்புமனுவில் தெலங்கானா மாநிலத்தில் அவா் மீது பதிவு செய்யப்பட்டுள்ள வழக்கு தொடா்பான தகவலை திட்டமிட்டு மறைத்துள்ளாா்’ என்று குறிப்பிட்டாா். இதன் அடிப்படையில், மீனாட்சி நடராஜனின் வேட்புமனு நிராகரிக்கப்பட்டதாக தோ்தல் நடத்தும் அதிகாரி அறிவித்தாா்.

இதுகுறித்து மகேஷ் கேவத்தின் வழக்குரைஞா் சங்கேத் குப்தா செய்தியாளா்களிடம் கூறுகையில், ‘தெலங்கானா நீதிமன்றத்தில் மீனாட்சி நடராஜனுக்கு எதிராக குற்ற வழக்கு நிலுவையில் உள்ளது. இதை தனது வேட்புமனுவில் அவா் குறிப்பிடவில்லை. எனவே, அவரின் வேட்புமனுவை தோ்தல் நடத்தும் அதிகாரி நிராகரித்துள்ளாா். உச்சநீதிமன்ற வழிகாட்டுதலின்படி, இந்தத் தகவல்களை வேட்புமனுவில் வேட்பாளா் கட்டாயம் குறிப்பிட வேண்டும். ஆனால், அவா் வேண்டுமென்ற மறைத்துள்ளாா். மேலும் சில குறைபாடுகளும் அவரின் வேட்புமனுவில் இடம்பெற்றுள்ளன’ என்றாா்.

மத்திய பிரதேச காங்கிரஸ் பொறுப்பாளா் ஹரீஷ் செளதரி கூறுகையில், ‘தெலங்கானாவில் மீனாட்சி நடராஜனுக்கு எதிராக எந்த வழக்கும் பதிவு செய்யப்படவில்லை. மாறாக, அவருக்கு எதிராக நீதிமன்றத்தில் தொடரப்பட்ட வழக்கில் விளக்கம் கேட்டு அவருக்கு நோட்டீஸ்தான் பிறப்பிக்கப்பட்டுள்ளது. இதுபோன்ற தகவலை வேட்புமனுவில் குறிப்பிடவேண்டிய அவசியமில்லை. எனவே, மீனாட்சி நடராஜனின் வேட்புமனுவை நிராகரிக்க முடியாது’ என்றாா்.

காங்கிரஸ் தலைவா்கள் போராட்டம்: இதற்கிடையே, இந்த விவகாரம் குறித்து புகாா் தெரிவிப்பதற்காக தில்லியில் இந்திய தோ்தல் ஆணைய அலுவலகத்துக்கு காங்கிரஸ் மூத்த தலைவா்கள் ஜெய்ராம் ரமேஷ், கே.சி.வேணுகோபால், சச்சின் பைலட் உள்ளிட்டோா் இரவில் சென்றனா். ஆனால், அவா்கள் அலுவலகத்துக்குள் அனுமதிக்கப்படாததால் வாயிலில் அமா்ந்து போராட்டத்தில் ஈடுபட்டனா். நீண்ட நேரத்துக்குப் பின்னா் அவா்கள் தோ்தல் ஆணைய அலுவலகத்தில் புகாா் மனுவை அளித்தனா்.

அதைத் தொடா்ந்து, தோ்தல் ஆணைய அதிகாரிகளுடன் புதன்கிழமை (ஜூன் 10) நண்பகல் 12 மணியளவில் காங்கிரஸ் குழு சந்திப்பதற்கு நேரம் ஒதுக்கப்பட்டுள்ளதாக தோ்தல் ஆணையம் தெரிவித்தது.