23-ஆவது இந்திய-ரஷிய உச்சி மாநாட்டில் பங்கேற்க ரஷிய அதிபா் விளாதிமீா் புதின் வியாழக்கிழமை இந்தியா வந்தாா். புது தில்லியில் அவரை சிவப்பு கம்பள வரவேற்புடன் பிரதமா் மோடி நேரில் ஆரத்தழுவி வரவேற்றாா்.

கடந்த 2021-ஆம் ஆண்டு அதிபா் புதின் இந்தியா வந்திருந்தாா். இதைத்தொடா்ந்து புது தில்லியில் வெள்ளிக்கிழமை நடைபெறும் 23-ஆவது இந்திய-ரஷிய உச்சி மாநாட்டில் பங்கேற்க 4 ஆண்டுகளுக்குப் பின்னா், அவா் வியாழக்கிழமை இந்தியா வந்தாா்.

புது தில்லியில் உள்ள பாலம் விமான நிலையத்தில் அவா் வந்திறங்கிய பின்னா், அவருடன் விமான நிலையத்தில் இருந்து ஒரே காரில் பிரதமா் மோடி சென்றாா்.

இதுதொடா்பாக பிரதமா் மோடி ‘எக்ஸ்’ தளத்தில் வெளியிட்ட பதிவில், ‘எனது நண்பா் அதிபா் புதினை வரவேற்பது பெரும் மகிழ்ச்சி அளிக்கிறது. அவருடன் கலந்துரையாட உள்ளதை ஆவலுடன் எதிா்நோக்கியுள்ளேன். இந்தியா-ரஷியா இடையே நீண்ட காலமாக நிலவும் நட்புறவு நல்விளைவுகளை ஏற்படுத்தியுள்ளது. இது இருநாட்டு மக்களுக்கும் பலனளித்துள்ளது’ என்றாா்.

இந்தியா-ரஷியா இடையே நிலவும் வா்த்தகப் பற்றாக்குறையால் (ஏற்றுமதியைவிட இறக்குமதி அதிகமாக இருப்பது வா்த்தகப் பற்றாக்குறையாகும்) ரஷியா பெரும் பலனடைந்து வருகிறது. அதேவேளையில் ரஷியா, ஆா்மீனியா, பெலாரஸ், கஜகஸ்தான், கிரிகிஸ்தான் நாடுகள் அடங்கிய யூரேஷியன் பொருளாதார யூனியனுடன் தடையற்ற வா்த்தக ஒப்பந்தம் மேற்கொள்ள இந்தியா திட்டமிட்டுள்ளது. இவை குறித்து மாநாட்டில் இருநாடுகள் தரப்பிலும் விவாதிக்கப்படும் என்று எதிா்பாா்க்கப்படுகிறது.

உக்ரைன் போரை முடிவுக்குக் கொண்டு வருவதில் அமெரிக்காவின் முயற்சிகள் குறித்தும் மோடிக்கு புதின் தெரியப்படுத்துவாா் என்று கூறப்படுகிறது.

27 மணி நேரம் இந்தியாவில்...: மாநாட்டை தொடா்ந்து இந்தியா-ரஷியா இடையே வா்த்தகம் உள்பட பல்வேறு துறைகள் சாா்ந்த முக்கிய ஒப்பந்தங்கள் கையொப்பமாகும் என்று எதிா்பாா்க்கப்படுகிறது. அதன் பின்னா், குடியரசுத் தலைவா் திரெளபதி முா்மு அளிக்கும் அரசுமுறை விருந்தில் புதின் பங்கேற்க உள்ளாா். சுமாா் 27 மணி நேரம் இந்தியாவில் இருக்கும் அவா், வெள்ளிக்கிழமை இரவு சுமாா் 9 மணியளவில் இந்தியாவில் இருந்து புறப்படுவாா் என்று எதிா்பாா்க்கப்படுகிறது.

பாதுகாப்பு அமைச்சா்கள் சந்திப்பு:

எஸ்-400 ஏவுகணைகள் கூடுதல்

கொள்முதலுக்கு இந்தியா ஆா்வம்

புது தில்லியில் பாதுகாப்பு அமைச்சா் ராஜ்நாத் சிங்கை ரஷிய பாதுகாப்பு அமைச்சா் அந்த்ரே பெலுசோவ் வியாழக்கிழமை சந்தித்தாா். அப்போது இந்தியா-ரஷியா இடையே பாதுகாப்பு ஒத்துழைப்பை விரிவுபடுத்த இருதரப்பும் தீா்மானித்தன. இந்தச் சந்திப்பின்போது ரஷியாவிடம் இருந்து தரையில் இருந்து வானில் உள்ள இலக்கைத் தாக்கி அழிக்கும் எஸ்-400 ஏவுகணை அமைப்புகளை கூடுதலாக கொள்முதல் செய்ய ரஷியாவிடம் இந்தியா ஆா்வம் தெரிவித்தது. பாகிஸ்தானுக்கு எதிரான ‘ஆபரேஷன் சிந்தூா்’ நடவடிக்கையின்போது அந்த ஏவுகணை அமைப்புகள் மிகவும் திறன்வாய்ந்ததாக செயல்பட்ட நிலையில், அவற்றை கூடுதலாக கொள்முதல் செய்ய இந்தியா ஆா்வம் தெரிவித்ததாக தகவலறிந்த வட்டாரங்கள் தெரிவித்தன.

எஸ்யூ-57 போா் விமானங்கள்...: முன்னதாக எஸ்யூ-57 போா் விமானங்களை இந்தியாவுக்கு விநியோகிப்பது குறித்தும் புதின் பயணத்தின்போது ஆலோசிப்பதற்கான வாய்ப்புகள் இருப்பதாக ரஷிய அதிபா் மாளிகை செய்தித்தொடா்பாளா் டிமித்ரி பெஸ்கோவ் தெரிவித்தது குறிப்பிடத்தக்கது.

அமெரிக்காவில் இறக்குமதி செய்யப்படும் இந்திய பொருள்கள் மீது அந்நாட்டின் அரசின் அதிக வரி விதிப்பால் இருநாடுகளுக்கு இடையிலான உறவில் கடந்த 20 ஆண்டுகள் இல்லாத அளவுக்கு விரிசல் ஏற்பட்டுள்ளது. இந்தச் சூழலில், அதிபா் புதினின் இந்திய வருகை முக்கியத்துவம் பெற்றுள்ளது.

பட வரி

தில்லியில் விமான நிலையத்தில் ரஷிய அதிபா் புதினை வரவேற்ற பிரதமா் மோடி.