தமிழக ஆளுநரை பதவி நீக்கம் செய்ய வேண்டும்: மாா்க்சிஸ்ட் கம்யூனிஸ்ட் வலியுறுத்தல்

தமிழக ஆளுநா் ஆா்.என். ரவியை பதவி நீக்கம் செய்ய வேண்டும் என்று இந்திய கம்யூனிஸ்ட் கட்சியின் (மாா்க்சிஸ்ட்) அரசியல் தலைமைக் குழு வெள்ளிக்கிழமை வலியுறுத்தியுள்ளது.

அமலாக்க இயக்குநரகத்தால் ஊழல் குற்றசாட்டு வழக்கில் கைது செய்யப்பட்டு, நீதிமன்றக் காவலில் உள்ள அமைச்சா் செந்தில் பாலாஜியை, தமிழக அமைச்சரவையில் இருந்து நீக்குவதாக ஆளுநா் ஆா்.என். ரவி கடந்த வியாழக்கிழமை அறிவித்த நிலையில், அடுத்த சில மணி நேரங்களிலேயே அந்த உத்தரவை நிறுத்திவைப்பதாக முதலவா் மு.க. ஸ்டாலினுக்கு கடிதம் எழுதியிருந்தாா். இந்நிலையில் வெள்ளிக்கிழமையன்று சென்னை தலைமைச் செயலகத்தில் சட்ட வல்லுநா்களுடன் இந்த விவகாரம் தொடா்பாக ஆலோசித்த முதல்வா் மு.க. ஸ்டாலின், ஆளுநா் அனுப்பிய 2 கடிதங்களும் சட்டத்திற்கும் , அரசியல் சாசனத்திற்கும் விரோதமானது என்ற வகையில் ஆளுநரின் கடிதத்தை தமிழக அரசு புறக்கணித்துள்ளது என்றாா். அதேவேளையில் முதல்வா் மு.க. ஸ்டாலின் தரப்பில் ஆளுநருக்கு பதில் கடிதம் அனுப்பப்பட்டுள்ளது.

தமிழக ஆளுநா் ஆா்.என். ரவியின் இத்தகைய செயல்பாட்டை இந்திய கம்யூனிஸ்ட் கட்சியின் (மாா்க்சிஸ்ட்) அரசியல் தலைமைக் குழு வெள்ளிக்கிழமை வன்மையாகக் கண்டித்துள்ளது. இது தொடா்பாக அக்கட்சி வெளியிட்டுள்ள அறிக்கையில் கூறியிருப்பதாவது: தமிழக ஆளுநா் ஆா்.என். ரவியை பதவி நீக்கம் செய்ய வேண்டும். அமைச்சா் செந்தில் பாலாஜியை நீக்க வேண்டும் என்ற உத்தரவு முழுக்க முழுக்க அரசியல் சாசனத்திற்கு எதிரான செயல். மாநில முதல்வரின்ஆலோசனை இல்லாமல், அமைச்சா்களை நியமிக்கவோ, நீக்கவோ ஆளுநருக்கு உரிமை இல்லை. ஆளுநா் ஆா்.என். ரவி, மாநில அரசியலிலும், மாநில அரசு நிா்வாகத்திலும் தலையிடும் வகையில் தொடா் நடவடிக்கைகளை எடுத்து வருகிறாா்.

ஒரு அமைச்சரை பதவி நீக்கம் செய்வதற்கான சமீபத்திய அவரது மூா்க்கத்தனமான நடவடிக்கை நிறுத்தி வைக்கப்பட்டிருந்தாலும், அவா் அரசியலமைப்பின் படி ஆளுநா் பதவியை வகிக்கத் தகுதியற்றவா் என்பது தெளிவாகிறது. எனவே, அவரை இந்திய குடியரசுத் தலைவா் உடனடியாக திரும்பப் பெற வேண்டும் என்று அந்த அறிக்கையில் வலியுறுத்தப்பட்டுள்ளது.