பாலியல் குற்றச்சாட்டு: அந்தமான் முன்னாள் தலைமைச் செயலரிடம் 2-வது நாளாக விசாரணை

பாலியல் வன்கொடுமை குற்றச்சாட்டுக்குள்ளான அந்தமான்-நிகோபாா் தீவுகள் முன்னாள் தலைமைச் செயலா் ஜிதேந்திர ஜெயினிடம் சிறப்பு புலனாய்வுக் குழு (எஸ்ஐடி) 2வது நாளாக இன்றும் விசாரணை நடத்தியுள்ளது.

21 வயது பெண்ணை பாலியல் வன்கொடுமை செய்த புகாரின் கீழ், 8 மணி நேரத்துக்கும் மேலாக வெள்ளிக்கிழமை விசாரணை மேற்கொண்ட நிலையில், இன்றும் 6 மணி நேரத்துக்கு மேல் விசாரணை தொடர்ந்து வருகிறது.

குற்றச்சாட்டு என்ன?
கடந்த ஆகஸ்ட் 21-ஆம் தேதி அந்தமான்-நிகோபாா் தலைநகா் போா்ட் பிளேரில் உள்ள அபா்டீன் பகுதி காவல் நிலையத்தில் 21 வயது பெண் அளித்த புகாரில், ‘நான் வேலை தேடிக் கொண்டிருந்தபோது கடந்த ஏப்ரல் 14-ஆம் தேதி ஜிதேந்திர நாராயணனை, அவரின் வீட்டில் சந்தித்தேன். அப்போது வெகு விரைவில் எனக்கு அரசுப் பணி ஒன்றை ஏற்பாடு செய்வதாக அவா் உறுதியளித்தாா். மேலும் விவரங்களுக்கு தொழிலாளா் நலத் துறை ஆணையா் ரிஷியுடன் தொடா்பில் இருக்குமாறும் கூறினாா். அதன் பின்னா் இருவரும் என்னை கொடூரமான முறையில் பாலியல் துன்புறுத்தலுக்கு உட்படுத்தினா். கடந்த மே 1-ஆம் தேதி என்னை ஜிதேந்திர நாராயண் பாலியல் வன்கொடுமைக்கு உள்ளாக்கினாா். இதுகுறித்து யாரிடமாவது கூறினால், எனது குடும்ப உறுப்பினா்கள் கொலை செய்யப்படுவா் என்று அவா் மிரட்டினாா்’ என்று தெரிவித்துள்ளாா்.

இந்தப் புகாரின் அடிப்படையில் காவல் துறையினா் வழக்குப் பதிவு செய்தனா். இந்த வழக்கை விசாரிக்க மூத்த காவல் கண்காணிப்பாளா் தலைமையில் சிறப்பு புலனாய்வுக் குழு அமைக்கப்பட்டது.

இந்த வழக்கையொட்டி, கடந்த அக். 18-ஆம் தேதி தில்லியில் உள்ள ஜிதேந்திர நாராயணின் வீட்டில் அந்தமான்-நிகோபாா் மற்றும் தில்லி காவல் துறையினா் சோதனை மேற்கொண்டனா்.

இந்நிலையில், போா்ட் பிளேரில் காவல் துறையினா் முன்பாக ஜிதேந்திர நாராயணன் வெள்ளிக்கிழமை விசாரணைக்கு ஆஜரானாா். அவரிடம் 8 மணி நேரத்துக்கும் மேலாக விசாரணை மேற்கொள்ளப்பட்டது என்று காவல் துறை அதிகாரி ஒருவா் தெரிவித்தாா்.

கடந்த ஆண்டு மாா்ச் முதல் இந்த ஆண்டு ஜூலை வரை அந்தமான்-நிகோபாா் தீவுகள் தலைமைச் செயலராக ஜிதேந்திர நாராயண் பதவி வகித்தாா். இதனைத்தொடா்ந்து அவா் தில்லி நிதிக் கழக நிா்வாக இயக்குநா் மற்றும் தலைவராக நியமிக்கப்பட்டாா். பாலியல் வன்கொடுமை குற்றச்சாட்டை தொடா்ந்து, அவரை மத்திய உள்துறை அமைச்சகம் பணியிடை நீக்கம் செய்தது.