கன்னையா நாக்கை வெட்டினால் பரிசு என அறிவித்த பாஜக தலைவர் கட்சியில் இருந்து நீக்கம்

ஜேஎன்யு மாணவர்  அமைப்புத் தலைவர் கன்னையாவின் நாக்கை வெட்டுவோருக்கு ரூ.5 லட்சம் பரிசு வழங்கப்படும் என அறிவித்த பாஜக யுவ மோர்சா தலைவர் கட்சியில் இருந்து நீக்கப்பட்டுள்ளார்.

இது குறித்து பாஜக மாவட்ட அமைப்புத் தலைவர் ஹரிஷ் ஷாக்யா கூறுகையில், பாஜக யுவ மோர்சா அமைப்பின் தலைவராக இருந்த குல்தீப் வர்ஷ்னை 6 ஆண்டுகளுக்கு கட்சியில் இருந்து நீக்கி, கட்சித் தலைமை நடவடிக்கை எடுத்திருப்பதாகக் கூறியுள்ளார்.

வர்ஷ்னேயின் கருத்துக்கும், கட்சிக்கும் எந்த தொடர்பும் இல்லை. அது அவரது தனிப்பட்ட கருத்து என்றும் அவர் கூறினார்.