பிலிம் கேமராவில் எடுக்கப்படும் ரஜினி - கமல் திரைப்படம்?

நடிகர்கள் ரஜினிகாந்த், கமல் ஹாசன் இணைந்து நடிக்கும் திரைப்படம் குறித்து புதிய அப்டேட் வெளியாகியுள்ளது.

அபூர்வ ராகங்கள் திரைப்படத்திலிருந்து இணைந்து நடிக்க ஆரம்பித்த ரஜினிகாந்த், கமல் ஹாசன் கூட்டணி பல வெற்றிப்படங்களில் ஹீரோவாகவும் வில்லனாகவும் நடித்து 70-களின் தமிழ் சினிமாவில் பெரிய தாக்கங்களை ஏற்படுத்தினர்.

பின், இருவருக்கும் உருவான வணிகம் மற்றும் நட்சத்திர பிம்பங்களால் தனித்தனியே நடிக்க ஆரம்பித்தனர். தற்போது, இயக்குநர் நெல்சன் இயக்கத்தில் 47 ஆண்டுகள் கழித்து மீண்டும் இணைந்து நடிக்க உள்ளனர்.

இதன் அறிவிப்பு புரோமோ வெளியாகி ரசிகர்களிடம் மிகப்பெரிய ஆர்வத்தை ஏற்படுத்தியதுடன் அனிருத்தின் பின்னணி இசை டிரெண்டிங் ஆனது.

இந்த நிலையில், இப்படத்தை முழுமையாக பிலிம் கேமராவில் படமாக்க இயக்குநர் நெல்சன் முடிவு செய்துள்ளதாகத் தகவல்கள் தெரிவிக்கின்றன. இந்தியளவில் ஒளிப்பதிவில் பாராட்டுகளைப் பெற்ற ராஜீவ் மேனன் இப்படத்திற்கு ஒளிப்பதிவாளராகப் பணியாற்றவுள்ளது குறிப்பிடத்தக்கது.