நடிகர் மனோகர் மகன் திருமணம்! ஒன்றாகப் பங்கேற்ற ஈரமான ரோஜாவே குழுவினர்!

சின்ன திரை நடிகர் மனோகர் இல்லத் திருமண விழாவில் ஈரமான ரோஜாவே குழுவினர் ஒன்றாகப் பங்கேற்று மனமக்களை வாழ்த்தினர்.

ஈரமான ரோஜாவே தொடர் முடிந்து நீண்ட நாள்களாகியிருந்தாலும், திருமணத்தில் ஒன்றாகப் பங்கேற்ற புகைப்படம் இணையத்தில் பலரால் பகிரப்பட்டு வருகிறது.

சன் தொலைக்காட்சியில் ஒளிபரப்பான சுந்தரி தொடரில் நடித்து பிரபலமானவர் நடிகர் மனோகர். இவர் தற்போது அன்னம் தொடரிலும் நடித்து வருகிறார்.

தனது கம்பீரமான தோற்றத்தின் மூலம் தனித்துவமான நடிப்பை வழங்கி ரசிகர்களைக் கவர்ந்த மனோகர், அத்திப்பூக்கள், பொன்னி உள்ளிட்டத் தொடர்களிலும் நடித்துள்ளார். விஜய் தொலைக்காட்சியின் பிரபல தொடரான மெளன ராகம் தொடரிலும் நடித்து பலரின் பாராட்டுகளைப் பெற்றார்.

இவரின் மகனுக்கு வெகு விமர்சையாக சமீபத்தில் திருமணம் நடைபெற்றது. இதில் சின்ன திரை பிரபலங்கள் பலர் கலந்துகொண்டனர்.

அந்தவகையில் ஈரமான ரோஜாவே தொடரில் நடித்த நடிகர், நடிகைகள் ஒன்றாக திருமண நிகழ்வில் பங்கேற்று மணமக்களை வாழ்த்தினர்.

நடிகர் திரவியம் ராஜ்குமாருடன் சக நடிகைகள் எடுத்துக்கொண்ட புகைப்படம் இணையத்தில் பலரால் பகிரப்பட்டு வருகிறது.