ஏ.ஆர்.முருகதாஸ் வெளியிட்ட புதிய பட போஸ்டர்!

இயக்குநர் ஏ.ஆர். முருகதாஸ் முதல்பக்கம் என்ற புதிய படத்தின் போஸ்டரை வெளியிட்டுள்ளார்.

சின்னதம்பி புரடக்‌ஷன்ஸ் தயாரிப்பில் அனீஷ் அஷ்ரப் இயக்கத்தில் முதல்பக்கம் என்ற புதிய படம் உருவாகியுள்ளது.

இந்தப் படத்தில் நாயகனாக 8 தோட்டாக்கள் படத்தில் நடித்த நடிகர் வெற்றி நடித்துள்ளார்.

சென்னை ஃபைல்ஸ் முதல்பக்கம் எனப் பெயரிடப்பட்டுள்ள இந்தப் படத்தில் நாயகியாக ஷில்பா மஞ்சுநாத் நடித்துள்ளார்.

இந்தப் படத்தில் தம்பி ராமய்யா, ரெடின் கிங்ஸ்லியும் நடித்துள்ளதாக படக்குழு தெரிவித்துள்ளது.

இயக்குநர் ஏ.ஆர். முருகதாஸ் இந்தப் படத்தின் போஸ்டரைப் பகிர்ந்து, “இந்தப் படத்தின் போஸ்டரை வெளியிடுவதில் மகிழ்கிறேன். படக்குழுவிற்கு வாழ்த்துகள்” எனக் கூறியுள்ளார்.

நடிகர் வெற்றி 8 தோட்டாக்கள், ஜீவி, ஜீவி-2, தீங்கிரை போன்ற படங்களில் நடித்துள்ளார்.

நடிகை ஷில்பா மஞ்சுநாத் இஸ்பேட் ராஜாவும் இதய ராணியும் படத்தில் புகழ்பெற்றார்.