‘கூலி’ படப்பிடிப்பிற்குத் தயாராகும் ரஜினி!

சன் பிக்சர்ஸ் தயாரிப்பில் நடிகர் ரஜினிகாந்த்தின் 171 படமாக கூலி உருவாகிறது. இப்படத்தை இயக்குநர் லோகேஷ் கனகராஜ் இயக்கவுள்ளார். இதற்கான பணிகள் நடைபெற்று வருகின்றன.

ஜூன் மாதம் இதன் படப்பிடிப்பு துவங்க உள்ளது. இப்படத்திற்கான நடிகர்களும் தேர்வு செய்யப்பட்டு வருகின்றனர். முக்கிய கதாபாத்திரத்தில் ஸ்ருதி ஹாசன் நடிப்பதாகக் கூறப்படுகிறது.

மேலும், இப்படத்தில் நடிகர் ரஜினிகாந்துக்கு நண்பராக நடிகர் சத்யராஜ் நடிக்க உள்ளதாக தகவல் வெளியாகியுள்ளது. 38 ஆண்டுகளுக்குப் பிறகு இருவரும் இணைந்து நடிக்க உள்ளது ஆச்சரியத்தை ஏற்படுத்தியுள்ளது.

இந்த நிலையில், வேட்டையன் படப்பிடிப்பை முடித்து ஓய்வில் இருக்கும் ரஜினி, கூலி படப்பிடிப்பிற்குத் தயாராகி வருவதாகக் கூறப்படுகிறது.

படத்தின் முதல்பாதி கதையை நடிகர் ரஜினியிடம் கூறிய லோகேஷ் கனகராஜ், கதைக்கேற்ப ரஜினியின் தோற்றத்திலும் உடல்மொழியிலும் மாற்றத்தை ஏற்படுத்த திட்டமிட்டுள்ளாராம். பெரிய பொருள் செலவில் உருவாகும் இப்படம், தங்கக் கடத்தலை மையமாகக் கொண்டிருப்பதாகத் தெரிகிறது.