கோட் டிரைலர்: அர்ச்சனா கல்பாத்தி வெளியிட்ட அறிவிப்பு!

லியோ படத்தைத் தொடர்ந்து விஜய்யின் 68-வது படமான `கிரேட்டஸ்ட் ஆஃப் ஆல் டைம்ஸ்’ (G.O.A.T. - Greatest Of All Times) படத்தை வெங்கட் பிரபு இயக்கி வருகிறார்.

நடிகர் விஜய் - இயக்குநர் வெங்கட் பிரபு கூட்டணியில் உருவாகி வரும் கோட் திரைப்படத்தின் மேல் பெரிய எதிர்பார்ப்பு உள்ளது. நடிகர் விஜய் இரண்டு கதாபாத்திரங்களில் நடித்து வருகிறார்.

செப்.5 ஆம் தேதி இப்படம் வெளியாக உள்ளதால், இதன் இறுதிக்கட்ட விஎஃப்எக்ஸ் மற்றும் எடிட்டிங் பணிகள் தீவிரமாக நடைபெற்று வருகின்றன.

கோட் படத்தின் டீசர் மற்றும் டிரைலர் விரைவில் வெளியாகும் என்று எதிர்பார்க்கப்படுகிறது.

முன்னதாக, கோட் படத்தின் மூன்று பாடல்கள் வெளியானது.

இந்த நிலையில், கோட் படத்தின் டிரைலர் குறித்து படத்தின் தயாரிப்பாளர் அர்ச்சனா கல்பாத்தி தன்னுடைய எக்ஸ் தளப் பதிவில் முக்கிய அறிவிப்பை வெளியிட்டுள்ளார்.

அதில், “உங்களுக்காக பிரத்யேகமான டிரைலரை தயார் செய்து இருக்கிறோம். சில நாள்கள் பொறுமையாக இருங்கள். நாளை முறையான அறிவிப்பு வெளியாகும்” என்று தெரிவித்துள்ளார்.