கண்ணம்மாவாக பவித்ரா லக்ஷ்மியா..? ஃபர்ஸ்ட் லுக் வெளியீடு

விஜய் டிவி புகழ் ரியோ ராய், பவித்ரா லக்ஷ்மி, பாலா உள்ளிட்டோர் நடிப்பில் உருவாகியுள்ள கண்ணம்மா என்னம்மா பாடலின் ஃபர்ஸ்ட் லுக் வெளியாகியுள்ளது.

தமிழ் திரைப்படங்கள், நாடகங்கள் மற்றும் பாடல்களில் எத்தனை எத்தனையோ கண்ணம்மாக்களைப் பார்த்த ரசிகர்களுக்கு மேலும் கண்ணம்மா வருகை தரவுள்ளார். விஜய் டிவி பிரபலங்களான பிக்பாஸ் புகழ் ரியோ ராஜ், குக் வித் கோமாளி புகழ் பவித்ரா, கலக்கப்போவது யாரு புகழ் பாலா உள்ளிட்டோர் நடிப்பில் உருவாகியுள்ள கண்ணம்மா என்னம்மா பாடலின் டீசர் நாளை (செவ்வாய்க்கிழமை) வெளியாகிறது. இந்தப் பாடலை சூப்பர் சிங்கர் புகழ் சாம் விஷால் பாடியுள்ளார். பாடலுக்கு தேவ் பிரகாஷ் இசையமைத்துள்ளார்.

பாடலின் டீசர் நாளை மாலை 6 மணிக்கு வெளியாகிறது. இதற்கான ஃபர்ஸ்ட் லுக் தற்போது வெளியாகி சமூக ஊடகங்களில் பரவலாக பரவி வருகிறது.