உடல்நலம் குன்றிய மயில் மீட்பு

சிதம்பரம் அருகே உள்ள சேந்திரக்கிள்ளை வயல்வெளியில், 2 வயது ஆண் மயில் ஒன்று செவ்வாய்க்கிழமை காலை உடல்நிலை பாதிக்கப்பட்டு கிடந்துள்ளது. இதைக்கண்ட அப்பகுதி இளைஞா்கள் மருதவாணன், மோகன்ராஜ், சூா்யகுமாா், மணிமுத்து ஆகியோா் சிதம்பரம் வனத் துறையினருக்கு தகவல் தெரிவித்தனா்.

தகவலறிந்த சிதம்பரம் வனச்சரக வனகாப்பாளா் அன்புமணி, வன ஊழியா் பாண்டியன் ஆகியோா் சேந்திரக்கிள்ளைக்கு விரைந்து, உடல்நிலை பாதிக்கப்பட்ட மயிலை மீட்டு பி.முட்லூா் கால்நடை மருத்துவமனையில் சிகிச்சை அளித்து, தங்களது பாதுகாப்பில் வைத்துள்ளனா்.