பள்ளி ஆட்டோ கவிழ்ந்து விபத்து: மாணவா்கள் உயிா் தப்பினா்

பள்ளி ஆட்டோ கவிழ்ந்து வெள்ளிக்கிழமை விபத்துக்குள்ளானது. நல்வாய்ப்பாக அதிலிருந்த மாணவா்கள் உயிா்தப்பினா்.

புதுச்சேரி மரப்பாலத்தில் இருந்து நகரப் பகுதி நோக்கி பள்ளி மாணவா்களை ஏற்றிக் கொண்டு ஆட்டோ ஒன்று வந்து கொண்டிருந்தது. மரப்பாலம் சந்திப்பு அருகே ஓட்டுநா் திருப்ப முயன்றபோது எதிா்பாராதவிதமாக திடீரென ஆட்டோ கவிழ்ந்தது. இதில் நல்வாய்ப்பாக மாணவா்கள் காயமின்றி உயிா் தப்பினா்.

பொதுமக்கள் ஓடி வந்து ஆட்டோவை தூக்கி நிறுத்தி அதில் இருந்த மாணவா்களைப் பத்திரமாக மீட்டனா். இதையடுத்து மாணவா்கள் ஆட்டோவில் பள்ளிக்கு அனுப்பி வைக்கப்பட்டனா்.