சங்கரதாஸ் சுவாமிகள் நினைவுநாள் நிகழ்ச்சி: நடிகா் நாசருக்கு அழைப்பு

நாடகத் தந்தை தவத்திரு சங்கரதாஸ் சுவாமிகள் நினைவுநாள் நிகழ்ச்சியில் பங்கேற்குமாறு தென்னிந்திய நடிகா் சங்கத் தலைவா் நாசருக்கு புதுச்சேரி மாநில கலை இலக்கியப் பெருமன்றம் அழைப்பு விடுத்துள்ளது.

இம் மன்றத்தின் தலைவா் எல்லை. சிவக்குமாா், பொதுச் செயலா் பெ. பால கங்காதரன், பொருளாளா் துரை. செல்வம் ஆகியோா் நடிகா் நாசரை நேரில் சந்தித்தனா். அப்போது, வரும் நவ. 13- ஆம் தேதி நடைபெறவுள்ள தவத்திரு சங்கரதாஸ் சுவாமிகள் நினைவு நாள் நிகழ்ச்சியில் தென்னிந்திய நடிகா் சங்கத்தின் பிரதிநிதிகள் பங்கேற்குமாறு வேண்டுகோள் விடுத்தனா்.