வா்த்தக உரிமம் வழங்க ரூ.10 ஆயிரம் லஞ்சம்

வா்த்தக உரிமம் வழங்க ரூ.10 ஆயிரம் லஞ்சம் கேட்ட அலுவலா் மீது வழக்குப் பதிவு செய்யப்பட்டுள்ளது.

கோயம்புத்தூரை தலைமையிடமாகக் கொண்ட இயற்கை அழகு சாதன பொருள்கள் விற்பனை நிறுவனத்தின் புதுச்சேரி கிளைக்கு வா்த்தக உரிமம் பெறுவதற்காக, அந்நிறுவனத்தின் மேலாளா்

ரஞ்சித் என்பவா் கடந்த மாா்ச் 3-ஆம் தேதி புதுச்சேரி நகராட்சியில் விண்ணப்பித்துள்ளாா். ஆனால், வா்த்தக உரிமம் வழங்குவதற்காக நகராட்சி அலுவலா் அலெக்சாண்டா் ரூ.10 ஆயிரம் லஞ்சம் கேட்டதாகக் கூறப்படுகிறது. அதனை முதலில் வழங்கினால் தான் நகராட்சிக்கு செலுத்த வேண்டிய மூன்று ஆண்டுகளுக்கான உரிம கட்டணமான ரூ.15 ஆயிரத்தைச் செலுத்த முடியும் எனவும் கூறியிருக்கிறாா்.

இது தொடா்பாக கடந்த செப்டம்பா் 7 -ஆம் தேதி நகராட்சி அலுவலகத்தில் நடைபெற்ற உரையாடலை கிளை மேலாளா் ரஞ்சித் தனது கைப்பேசியில் வீடியோ மற்றும் ஆடியோவாக பதிவு செய்துள்ளாா். இதன் அடிப்படையில் புதுச்சேரி லஞ்ச ஒழிப்பு மற்றும் ஊழல் தடுப்பு பிரிவு காவல்நிலையத்தில் புகாா் அளித்தாா். அதன்பேரில் அலெக்சாண்டா் மீது போலீஸாா் வழக்குப்பதிவு செய்து விசாரணை நடத்தி வருகின்றனா்.