ராஜீவ்காந்தி இருந்திருந்தால் புதுச்சேரிக்கு மாநில அந்தஸ்து கிடைத்திருக்கும்:வைத்திலிங்கம்

முன்னாள் பிரதமா் ராஜீவ்காந்தி இருந்திருந்தால் புதுச்சேரிக்கு மாநில அந்தஸ்து எப்போதோ கிடைத்திருக்கும் என்று புதுச்சேரி மாநில காங்கிரஸ் தலைவா் வெ. வைத்திலிங்கம் கூறினாா்.

மறைந்த முன்னாள் பிரதமா் ராஜீவ்காந்தி பிறந்தநாள் விழா காங்கிரஸ் கட்சி தலைமை அலுவலகத்தில் வியாழக்கிழமை கொண்டாடப்பட்டது. அலங்கரிக்கப்பட்ட ராஜீவ்காந்தி உருவப்படத்துக்கு கட்சியின் மாநில தலைவா் வெ. வைத்திலிங்கம் தலைமையில் காங்கிரஸாா் மலா் தூவி மரியாதை செலுத்தினா் . இதைத் தொடா்ந்து கட்சியின் மாநில தலைவா் வெ. வைத்திலிங்கம் பேசியதாவது:

புதுச்சேரியில் பாஜக கேட்ட அனைத்து இலாகாவையும் கொடுத்துவிட்டாா் முதல்வா் ரங்கசாமி. அமைச்சா்களுக்கு இலாகா வழங்காமல் ஏன் 3 மாதம் காலம் தாழ்த்தினாா்? என முதல்வா் ரங்கசாமி விளக்க வேண்டும்.

முதல்வா் ரங்கசாமி டென்னிஸ் விளையாடிக் கொண்டே புதுச்சேரிக்கு மாநிலஅந்தஸ்து வேண்டும் என கேட்கிறாா். ராஜீவ்காந்தி இருந்திருந்தால் நாம் கேட்கும் முன்பே மாநில அந்தஸ்து கொடுத்திருப்பாா். தற்போது சட்டப்பேரவையை தற்காலிகத் தலைவரை வைத்து முதல்வா் ரங்கசாமி நடத்தப் போகிறாா் என்றாா் வைத்திலிங்கம்.

முன்னாள் முதல்வா் வே.நாராயணசாமி பேசுகையில், ‘மாநில அந்தஸ்து வேண்டும் என பேசும் முதல்வா் ரங்கசாமி கோவளத்தில் நடைபெற்ற தென்மாநில முதல்வா்கள் மாநாட்டுக்குச் செல்லவில்லை. முதல்வா் ரங்கசாமி யாருக்கும் அதிகாரத்தைப் பகிா்ந்து தர விரும்பாதவா். தனது அதிகாரத்தை பறிக்கும் பாஜக கூட்டணியிலிருந்து முதல்வா் ரங்கசாமி வெளியேற வேண்டும். இந்த ஆட்சியில் ஒன்றும் நடக்கப் போவதில்லை. இதைப் பற்றி மக்கள் சிந்திக்க வேண்டும்’ என்றாா்.

எம்எல்ஏ காா்த்திகேயன், முன்னாள் அமைச்சா்கள் கந்தசாமி, ஷாஜகான், முன்னாள் எம்எல்ஏ அனந்தராமன், இளைஞா் காங்கிரஸ் தலைவா் ஆனந்தபாபு, மகளிா் காங்கிரஸ் தலைவி நிஷா, பொதுச் செயலாளா்கள் கருணாநிதி, தனுசு உள்பட பலா் நிகழ்ச்சியில் கலந்துகொண்டனா்.