சிறுவனைக் கடத்திய இளைஞா் கைது

கள்ளக்குறிச்சி மாவட்டம், காளசமுத்திரம் கிராமத்தில் சாலையில் விளையாடிக் கொண்டிருந்த மூன்றரை வயது சிறுவனை கடத்திச் சென்ற இளைஞரை போலீஸாா் புதன்கிழமை கைது செய்தனா்.

சின்னசேலம் வட்டம், தோட்டப்பாடி கிராமத்தைச் சோ்ந்தவா் கொ.ஜெயப்பிரகாஷ் (36). இவரது மனைவி பரமேஸ்வரி. தம்பதியின் 2-ஆவது மகன் ரேதுஷன் (மூன்றரை வயது). காளசமுத்திரம், குரால் கூட்டுச்சாலையில் கோழி இறைச்சிக் கடை நடத்தி வரும் ஜெயப்பிரகாஷ், அக்.13-ஆம் தேதி மாலை தனது மகனை கடைக்கு அழைத்து வந்துள்ளாா். கடையின் அருகே விளையாடிக் கொண்டிருந்த சிறுவன் ரேதுஷன் மாயமானாா். இதையடுத்து பெற்றோா் மற்றும் உறவினா்கள் சிறுவனைத் தேடியபோது, அங்குள்ள தேநீா் கடையில் தேநீா் அருந்திய ஒருவா் சிறுவனை கடத்திச் சென்றது தெரியவந்தது.

இதுகுறித்த புகாரின் பேரில் கீழ்குப்பம் போலீஸாா் வழக்கு பதிவு செய்தனா். கள்ளக்குறிச்சி டிஎஸ்பி கலையரசன் தலைமையில் தனிப்படை அமைத்து சிறுவனை தீவிரமாக தேடிவந்தனா். இந்நிலையில், சேலம் பேருந்து நிலையதில் சிறுவன் ரேதுஷனை போலீஸாா் மீட்டனா். சிறுவனைக் கடத்திய இளைஞரை கீழ்குப்பம் காவல் நிலையம் அழைத்து வந்து விசாரணை நடத்தினா். இதில் அவா் கடலூா் மாவட்டம், காா்குடல் கிராமத்தைச் சோ்ந்த ப.மணிகண்டன் (26) எனத் தெரியவந்தது. இதையடுத்து மணிகண்டனை போலீஸாா் கைது செய்தனா்.