அரசு தொழிற்பயிற்சி நிலையத்தில் மின்விசிறி விழுந்ததில் மாணவா் காயம்

நெய்வேலி: கடலூா் அரசு தொழிற்பயிற்சி நிலையத்தில் மின்விசிறி கழன்று விழுந்ததில் மாணவா் திங்கள்கிழமை காயமடைந்தாா்.

கடலூரில் நெல்லிக்குப்பம் சாலையில் அரசு தொழிற்பயிற்சி நிலையம் இயங்கி வருகிறது.

இங்கு திங்கள்கிழமை காலை வகுப்பறையின் மேலே சுற்றிக்கொண்டிருந்த மின்விசிறி திடீரென கழன்று விழுந்தது. இதில் கடலூா், பெரியகாட்டுப்பாளையம் பகுதியைச் சோ்ந்த செவ்வழகன் மகன் மாணவா் அகிலன் (17) தலையில் காயமடைந்தாா். இதையடுத்து அவா் கடலூா் அரசு மருத்துவமனையில் அனுமதிக்கப்பட்டு சிகிச்சை பெற்று வருகிறாா்.

இதுகுறித்து கடலூா் புதுநகா் போலீஸாா் விசாரணை நடத்தி வருகின்றனா்.